Biełaruski bok ličyć, što šlacham dyjałohu možna źniać roznahałośsi ź Litvoj pa pytańni ŭviadzieńnia ŭ ekspłuatacyju BiełAES, adnak Vilnia nieabhruntavana nahniataje situacyju. Pra heta havorycca ŭ adkazie MZS Biełarusi na notu pratestu Litvy, raźmieščanym na sajcie biełaruskaha zamiežnapalityčnaha viedamstva.
«Narmalny dyjałoh, jaki moh by prynieści ŭzajemavyhadny vynik, litoŭski bok daŭno vyrašyŭ prynieści ŭ achviaru svaim hieapalityčnym ambicyjam. U čarhovym epizodzie hetaha «epistalarnaha sieryjała» nas abvinavacili ŭ «biezadkaznym i paśpiešlivym» zapusku BiełAES», — havorycca ŭ adkazie pres-sakratara MZS Anatola Hłaza.
U MZS padkreślili, što pieradpuskavyja apieracyi na BiełAES viaducca ŭ strohaj adpaviednaści z hrafikam etapnych prahram pad kantrolem Dziaržatamnahladu i inšych nahladnych orhanaŭ.
«Akramia ŭsich nahladnych orhanaŭ, Vilnia adnaasobna stavić pad sumnieŭ i aŭtarytet sistemaŭtvaralnych dla Suśvietnaj jadziernaj haliny arhanizacyj, złoŭžyvaje davieram svaich partnioraŭ pa ES. Ciesna pracujučyja z nami na ŭsich etapach uźviadzieńnia stancyi ekśpiertnyja misii MAHATE, Suśvietnaj asacyjacyi arhanizacyj, jakija ekspłuatujuć AES, Jeŭrapiejskaj hrupy rehulataraŭ jadziernaj biaśpieki nieadnarazova paćviardžali, što niama niedachopaŭ, jakija mahli b stać pieraškodaj dla biaśpiečnaha pusku pieršaha enierhabłoka BiełAES», — adznačaje MZS.
-
20‑hadovuju dziaŭčynu z ahraradka Makrany na miažy z Ukrainaj asudzili za Hajuna
-
Sabalenku ŭ Minsku achoŭvała kampanija, zasnavanaja byłym hebistam i ŭčastkovym. Na piarednim krai byŭ lehiendarny Ivanyč
-
Polšča rezka źniziła vydaču mižnarodnaj abarony biełarusam. U červieni admoŭ udvaja bolš, čym stanoŭčych rašeńniaŭ
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1515
Kamientary