Pasoł Biełarusi ŭ Francyi Ihar Fisienka daŭ epičnaje intevju vydańniu Initiative Communiste («Kamunistyčnaja inicyjatyva»). Intervju adbyłosia ŭ ramkach sustrečy z aktyvam arhanizacyi Pôle de Reconnaissance Communiste en France (Polus kamunistyčnaj raźviedki ŭ Francyi).
Varta adznačyć, što pasolstva ŭ Francyi było adnym ź niešmatlikich u Jeŭropie pradstaŭnictvaŭ Biełarusi, dzie pieramožcam abvieścili Łukašenku, a nie Cichanoŭskuju.
Prapanujem niekalki cytat ź intervju Fisienki:
Ihar Fisienka
- Lubaja revalucyja niepaźbiežna vyklikaje hłyboki kryzis u krainie, dehradacyju sacyjalnych instytutaŭ, ekanamičnuju depresiju i biesparadki.
- Apošnija hady situacyja ŭ Biełarusi była stabilnaja. Nazirajecca pastajanny rost ekanomiki i dabrabytu hramadzian. Alaksandr Łukašenka pieramoh na vybarach, nabraŭšy 80% hałasoŭ. Usie, chto hałasavaŭ za jaho, padtrymali stabilnaść i ŭstojlivaje raźvićcio našaj krainy.
- Naturalna, što sproby źniešnich sił uzvarušyć situacyju ŭ krainie nie mieli plonu. U ciapierašni čas tak zvanyja «pratesty» stracili masavy charaktar i prymajuć formu karnavała, padobnaha da Maršu žančyn ź biełym i čyrvonym parasonami.
- Biełaruskija ŭłady dakazali fakty, što akcyi pratestu ŭ Biełarusi staranna płanavalisia, rychtavalisia, kaardynavalisia, u tym liku praz zamiežnyja sacyjalnyja sietki. Naprykład, Telegram-kanał «Niechta», dziejnaść jakoha, pavodle źviestak niekatorych ŚMI, kaardynuje Centralnaja hrupa psichałahičnaha dziejańnia ŭzbrojenych sił Polščy (Centralna Grupa Dzialan Psychologicznych).
- U ciapierašni čas Biełarusi z-za miažy naviazvajuć ideju stvareńnia «paralelnaj dziaržavy».
- Ułada ŭ Biełarusi zastajecca stabilnaj, navat kali kamuści heta nie padabajecca.
- Alaksandr Łukašenka, jaki pryjšoŭ da ŭłady na vybarach 1994 hoda i da hetaha času zastajecca prezidentam Biełarusi, faktyčna stvaryŭ krainu.
- Ad žniŭnia na pasolstva Biełarusi było naniesienyja čatyry akty ahresii. Najbolš surjoznyja i niebiaśpiečnyja dziejańni byli ździejśnienyja prychilnikami anarchisckaha ruchu. Nočču nieviadomyja kinuli ŭ budynak pasolstva butelki z čyrvonaj, zialonaj i siniaj farbaj. Mocna paškodžany fasad budynka, vokny, mašyna misii. 11 vieraśnia prychilniki radykalnaha ruchu Femen napali na budynak biełaruskaj ambasady, pranikli na jaho terytoryju i ŭstanavili roznyja pradmiety. Kali b heta adbyłosia ŭ Biełarusi, hety fakt atrymaŭ by samuju pilnuju ŭvahu z boku ŭładaŭ, kab incydenty nie paŭtaralisia.
Kamientary