Biez błakiroŭki internetu i zakryćcia mietro dy sotnia akcyj: asnoŭnaje za siońnia
My majem infarmacyju pra bolš jak 120 miascovych akcyj i šeściaŭ u roznych mikrarajonach Minska, pasiołkach Minskaha rajona i haradach-spadarožnikach. Udzieł u ich brali ad niekalkich dziasiatkaŭ da niekalkich socień (Masiukoŭščyna, Zialony Łuh, Šaryki, Kuźmy Čornaha) čałaviek. Kolkaść udzielnikaŭ nidzie nie dasiahnuła tysiačy.
Kolkaść zatrymanych siońnia, miarkujučy pa ŭsim, najmienšaja za ŭvieś čas pratestaŭ, bo demanstranty šmat dzie trymalisia dvaroŭ, što ŭskładniała rejdy siłavikoŭ.
Pieršy raz za čatyry miesiacy ŭ Minsku nie zakryvali mietro, nie adklučali internet. Ułady zrabili staŭku na mabilnyja bryhady siłavikoŭ, što raźjazdžajuć pa mikrarajonach u pošukach demanstrantaŭ.
Situacyja z kavidam zastajecca krajnie ciažkaj. Aficyjnaja statystyka daje ličby zachvarełych u dva razy vyšejšyja, čym padčas pieršaj chvali. Miarkujučy pa infarmacyi z kavidnych balnic i reanimacyj, jany napoŭnienyja praktyčna va ŭsich rehijonach krainy. Dokšyckaja rajonka apublikavała źviestki pra toje, što ŭ hety momant na kavid chvareje 3% žycharoŭ rajona. A Mahiloŭski harvykankam apublikavaŭ statystyku śmiarotnaści za 11 miesiacaŭ: jana amal na 25% pieravyšaje śmiarotnaść minułaha hoda (dla razumieńnia: za 2019 hod u krainie ŭ cełym pamierła 120 917 čałaviek). Siarod chvorych u ciažkim stanie — niekalki vysokapastaŭlenych čynoŭnikaŭ i deputataŭ.
U Minsku i navakolli prajšło bolš za 120 rajonnych šeściaŭ za adstaŭku Łukašenki ANŁAJN
Jak partyzany, minčuki iduć lasnymi ściežkami FOTY
Ciapier čytajuć
Sakratar Rady biaśpieki zaklikaŭ biełarusaŭ ustrymacca ad pajezdak u Rasiju8
Kamientary