Cichanoŭskaja padklučyłasia da žyvoha efiru ŭ instahramie fielčara z Hrodna. Pahladzicie na jaho reakcyju VIDEA
Fiodar Astapovič pracuje fielčaram na chutkaj dapamozie ŭ Hrodnie, u svaim instahramie jon raskazvaje pra karanavirus i roznyja chvaroby. U instahramie jon viadzie akaŭnt «Sumkin syn».
Uviečary 10 studzienia Fiodar čarhovy raz vioŭ efir. Niečakana na 36-j chvilinie hutarki da jaje dałučyłasia Śviatłana Cichanoŭskaja.
«A-a-a, pačakajcie, ja tut pamru zaraz! — doŭha nie moh pavieryć Fiodar. — Ja zaraz budu raŭci tut na ŭvieś efir, na ŭsiu Biełaruś».
Cichanoŭskaja pryznałasia, što daŭno hladzić Fiodara, jašče «kali była nie na svaim miescy».
«Fiedzia, ty kłasny, ja tabie surjozna kažu. Dziakuj za ŭsio, što ty robiš. Heta prosta cudoŭna».
Śviatłana raspaviała, što sama viadzie svoj instahram-akaŭnt i kali kamuści adkazvaje, to heta jana.
«Chłopcy, my razam, dziakuj vam za ŭsio. Ja spać, u mianie jašče dzieci nie pakładzienyja», — skazała Śviatłana i raźvitałasia.
«Takoje byvaje naohuł?!» — spytaŭ u padpisčykaŭ ašałomleny Fiodar.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary