«Biełaruskaja naftavaja kampanija» vyrašyła nie praciahvać damovu ź litoŭskaj čyhunačnaj kampanijaj LTG Cargo (uvachodzić u hrupu «Litoŭskich čyhunak»), jakaja pieravozić jaje naftapradukty ŭ Kłajpiedski port, piša Interfax.by.
Pavodle paviedamleńnia LTG Cargo, 31 śniežnia 2020 hoda skončyŭsia termin dziejańnia 3-hadovaj damovy pamiž joj i BNK, tamu sa studzienia biełaruskija hruzy buduć pieravozicca tolki pa patrebie BNK i biez abaviazacielstvaŭ.
Pavodle źviestak LTG Cargo, jana i BNK damovilisia ab abjomach pieravozki hruzaŭ u Kłajpiedski port u studzieni. Pavodle papiarednich źviestak, budzie pieravieziena 60-70 tys. ton ciomnych naftapraduktaŭ.
Hiendyrektar LTG Cargo Ehidyjus Łazaŭskas adznačyŭ, što ŭ pytańni pieravozki hruzaŭ ciapier adznačajecca vialikaja niavyznačanaść na rynku, tamu kožny hruz dla kampanii źjaŭlajecca značnym.
U 2020 hodzie LTG Cargo pieraviezła 2 młn ton hruzaŭ BNK — nafty i naftapraduktaŭ, što skłała 3,7% sukupnaha hadavoha patoku hruzaŭ litoŭskaj kampanii.
Naftapradukty BNK pieravoziacca pa čyhuncy z Mazyrskaha NPZ u Biełarusi ŭ Kłajpiedu — najbližejšy marski port, dzie hruziacca na sudny.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary