«Novapryznačany pasoł publična sustrakajecca ź Cichanoŭskaj i tolki potym z Łukašenkam»
Žurnalist Andrej Pačobut ličyć, što ZŠA zrabili vyrazny dypłamatyčny žest.
Pamiatajecca, śpiecyjalna navučanyja ludzi vielmi jachidničali z nahody taho, jak paśla pryznańnia Alaksandra Łukašenki nielehitymnym zachodnija pasły buduć uručać jamu davierčyja hramaty.
Maŭlaŭ, kali nielehitymny, to jakija hramaty…
Jak heta hramatna možna sumiaścić, pakazała niadaŭna pryznačanaja ambasadarka ZŠA Džuli Fišer: jana prosta spačatku sustrełasia sa Śviatłanaj Cichanoŭskaj.
Ciapier kali Fišer pryjedzie ŭ Minsk, pierad Łukašenkam budzie stajać alternatyva:
1. Zrabić vyhlad, što ničoha nie zdaryłasia, i takim čynam stvaryć precedent, kali novapryznačany ambasadar publična sustrakajecca ź Cichanoŭskaj i tolki potym z Łukašenkam.
2. Skandalić, nie prymajučy Džuli Fišer.
Što abiare Łukašenka? Nie viedaju, ale zajaŭlenaj pieramohi łukašenkaŭskaj dypłamatyi ŭ suviazi z mahčymym pryjezdam u Biełaruś amierykanskaha ambasadara, užo nie budzie.
Kamientary