Siłaviki vyrazali dźviery i ŭvajšli ŭ pratestanckuju carkvu «Novaje žyćcio»
Jany zapatrabavali ad viernikaŭ pakinuć budynak, raźmieščany na Kavalova, 72 u Sucharavie, i vynieści rečy.
Voś što adbyvałasia ŭ carkvie:
Vierniki spačatku praciahvali malicca i ihnaravali milicyjantaŭ. Tady tyja stali zabirać u viernika mikrafon.
«Pryhrazili jamu 15 sutkami za niepadparadkavańnie, kali jon mikrafona nie addaść, — raskazała «Našaj Nivie» viernica Nina. — Sudovy prystaŭ paviedamiŭ, što, kali vierniki nie pakinuć budynak, to na ich nakładuć štrafy i aryštujuć».
Urešcie vierniki stali vychodzić z carkvy i vynosić abstalavańnie.
Historyja supraćstajańnia ŭładaŭ i carkvy ciahniecca z 2005 hoda: mienavita tady horad vyrašyŭ vysielić «Novaje žyćcio» z zajmanaha im budynka, pabudavanaha jašče ŭ 1992 hodzie. Tady naziralniki heta źviazali z aktyŭnym udziełam pratestantaŭ u baraćbie za svabodnyja vybary i pravy čałavieka.
Cisk na viernikaŭ, jakija, na dumku haradskich uładaŭ, pavinny terminova i nazaŭždy pakinuć budynak, uzmacniŭsia ŭ pačatku 2021 hoda. Varta adznačyć, što ŭ 2020-m pastar «Novaha žyćcia» znoŭ rezka asudziŭ biezzakońni i źvierstvy.
Pavodle źmien, jakija byli ŭniesieny ŭ prajekt detalovaha płanavańnia Sucharava i ŭchvaleny ŭ 2019 hodzie, na miescy carkvy pavinna vyraści škoła. Ale zastajecca biez adkazu pytańnie, čamu škołu treba stavić mienavita na miescy, dzie ŭžo 20 hadoŭ dziejničaje žyvaja i vialikaja carkoŭnaja hramada.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary