«Biełaruś hatova admovicca ad uvozu ŭ Rasiju suchoha małaka ŭ druhim i trecim kvartałach, paviedamiła 15 červienia ministr sielskaj haspadarki Rasii Alena Skryńnik.
«Siońnia pastupiła vusnaja prapanova z boku biełarusaŭ admovicca ad uvozu ŭ Rasijskuju Fiederacyju suchoha małaka na dva kvartały», — cytuje Skryńnik RIA Novosti.
Pavodle jaje słoŭ, heta prapanova dla Rasii pazityŭnaja. «Heta daść mahčymaść našym sielhasvytvorcam pa adekvatnych, prymalnych cenach pradavać svajo małako, rasijskaje», — skazała ministr.
Nahadajem, 5 červienia Rasija i Biełaruś skarektavali prahnozny bałans pastavak biełaruskaj małočnaj pradukcyi ŭ RF u 2009 hodzie. Była dasiahnutaja damoŭlenaść ab skaračeńni abjomaŭ pastavak suchoha małaka sa 110 da 70 tys. ton i ab pavieličeńni pastavak biełaruskaha syru i tvarahu sa 100 da 132 tys. ton.
15 červienia ŭ Maskvie prachodziać kansultacyi pa pastaŭkach biełaruskaj małočnaj pradukcyi ŭ Rasiju. Biełaruski bok na pieramovach uznačalvaje namieśnik ministra sielskaj haspadarki i charčavańnia Michaił Savieljeŭ.
«U paniadziełak pryjeduć biełaruskija ekśpierty, i my vyznačymsia z pryjarytetami. My hatovy supracoŭničać, i hetaje supracoŭnictva prapanoŭvałasia ŭvieś čas», — zajaviŭ napiaredadni kiraŭnik Rasspažyŭnahlada Hienadź Aniščanka.
Jon paviedamiŭ, što zhodna z prapanovaj rasijskaha boku 14 červienia Biełaruś padała śpis małočnaj pradukcyi, jakuju vytvorcy chacieli b pastaŭlać u Rasiju.
Aniščanka nahadaŭ, što hetym časam dziejničaje zabarona na pastaŭku ŭ Rasiju bolš jak 1.200 vidaŭ biełaruskaj małočnaj pradukcyi; jašče 200 zajavak «zamarožany» na etapie afarmleńnia.
«Ciapier praktyčna ŭsia biełaruskaja małočnaja pradukcyja jurydyčna nie moža zavozicca na terytoryju Rasii, akramia 51 vidu pradukcyi, jakija byli aformleny z ŭsimi patrabavańniami», — dadaŭ kiraŭnik Rasspažyŭnahlada.
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary