Haradzienskija ŭłady buduć brać hrošy za pierasiačeńnie miažy na aŭto
Hrodzienski abłasny Saviet deputataŭ siońnia padčas vyjaznoj siesii ŭ Lidskim rajonie pryniaŭ rašeńnie ab uviadzieńni miascovaha zboru za pierasiačeńnie transpartnymi srodkami dziaržaŭnaj miažy ŭ punkcie propusku.
Uvodzicca zbor tolki da 1 studzienia 2023 hoda. Pamier zboru składzie 1 bazavuju vieličyniu. Usie srodki pojduć na praduchileńnie i baraćbu z karanavirusnaj infiekcyjaj.
Pry ŭviadzieńni adpaviednaha rašeńnia buduć vypłačvać zbor kiroŭcy aŭtamabilaŭ, jakija naležać arhanizacyjam abo fizičnym asobam, u tym liku zarehistravanym u jakaści indyvidualnych pradprymalnikaŭ. Maksimalnaja masa aŭto nie pieravyšaje 5 t. Pry hetym niama roźnicy, jakaja kolkaść pasažyraŭ u hetym transpartnym srodku.
Ad vypłaty zboru vyzvalajucca aŭtamabili, na jakich jeduć asoby na pachavańnie členaŭ siamji i blizkich svajakoŭ, jakija supravadžajuć pamierłych, udzielniki i invalidy VAV, invalidy I i II hrupy, a taksama asoby, što ich supravadžajuć, udzielniki likvidacyi nastupstvaŭ katastrofy na Čarnobylskaj AES, asoby, jakija vyjazdžajuć na lačeńnie ŭ sanatorna-kurortnyja ŭstanovy, i niekatoryja inšyja. U ich pavinny być adpaviednyja dakumienty.
Rašeńnie ŭstupić u siłu praź miesiac.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary