Ekanamičny sud Bresckaj vobłaści vynies rašeńnie pa spravie ab likvidacyi TAA «Polskaja škoła».
«Ekanamičny sud 19 krasavika razhledzieŭ spravu pa iskavaj zajavie prakurora Bresta, padadzienaj u metach abarony dziaržaŭnych i hramadskich intaresaŭ administracyi Leninskaha rajona horada, da TAA «Polskaja škoła», trom hramadzianam ab likvidacyi jurydyčnaj asoby. Sud vyrašyŭ likvidavać «Polskuju škołu», — skazana ŭ paviedamleńni suda.
Nahadajem, pazoŭ ab likvidacyi TAA «Polskaja škoła» padała prakuratura Bieraścia ŭ suviazi z «hrubym parušeńniem zakanadaŭstva, što paciahnuła pryčynieńnie škody dziaržaŭnym i hramadskim intaresam».
Havorka idzie ab niesankcyjanavanym masavym mierapryjemstvie, jakoje prajšło ŭ «Polskaj škole» 28 lutaha.
10 sakavika pa fakcie «ździajśnieńnia hrupaj asob naŭmysnych dziejańniaŭ, nakiravanych na ŭzbudžeńnie nacyjanalnaj i relihijnaj varožaści i varožaści pa prykmiecie nacyjanalnaj, relihijnaj, moŭnaj i inšaj sacyjalnaj prynaležnaści, a taksama naŭmysnych dziejańniaŭ pa reabilitacyi nacyzmu» była zaviedziena kryminalnaja sprava pa č. 3 art. 130 KK.
U miežach kryminalnaj spravy zatrymali suzasnavalnika «Polskaj škoły» — 43-hadovaha bieraściejca — i dyrektara Hannu Panišavu, jakaja viarnułasia ŭ Biełaruś paśla kamandziroŭki ŭ Polšču. Jany prachodziać pa spravie jak padazravanyja.
Časovy pavierany ŭ spravach Polščy ŭ Biełarusi Marcin Vajciachoŭski raniej raspavioŭ, što mierapryjemstva ŭ «Polskaj škole» «nie mieła nijakaha dačynieńnia» da Ramualda Rajsa (Buraha).
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary