Dziaržstandart z 22 krasavika zabaraniŭ pradavać u Biełarusi viadomyja krekiery «Tuc» sa smakam «vendžanyja kaŭbaski» i «syr», a taksama kakavu MacChocolate.
Heta značyć, što praz dva dni hetyja pradukty całkam pavinny źniknuć z palic u kramach i ŭvozić ich u krainu bolš nielha, piša Tut.by.
Krekiery patrapili ŭ čorny śpis Dziaržstandartu tamu, što ŭ ich znajšli niedapuščalnuju charčovuju dabaŭku. Pry vytvorčaści praduktu tudy dadali kansiervant pirasulfit natryju, ci, jak jaho časta paznačajuć, Je223. Kampanient zajaŭleny na ŭpakoŭcy.
Takuju ž dabaŭku znajšli ŭ pradukcyi inšych marak. Da prykładu, u sałodkich krekierach «Krysta-tvista» z načyńniem płambirčyk abo ŭ cukrovym piečyvie Napoletan — tut Je223 nie tolki dadali, ale jašče i ŭkazali na ŭpakoŭcy, što heta razrychlalnik, choć dabaŭka adnosicca da kansiervantaŭ, antyakiślalnikaŭ.
Taksama ŭ pieralik niebiaśpiečnych trapiŭ rastvaralny kakava-napoj «kłasičny vodar» ad MacChocolate. U im Dziaržstandart vyjaviŭ dabaŭku Je950 (acesulfam kaliju). Jaje paličyli niedapuščalnaj.
Aciesulfam kaliju ŭvachodzić u skład žvačak viadomych handlovych marak, jakija lažać praktyčna na kožnaj kasie ŭ biełaruskich kramach. Taksama jaho dadajuć u haziroŭku, jakaja pradajecca ŭ nas paŭsiudna.
Kamientary