Łatuška, Kurejčyk, Ahurbaš i bolš za 2000 biełarusaŭ padpisalisia pad miemarandumam u abaronu niezaležnaści
Miemarandum biełaruskaha hramadstva, Kaardynacyjnaj rady i demakratyčnych sił u abaronu suvierenitetu i niezaležnaści Respubliki Biełaruś
My, pradstaŭniki biełaruskaha naroda, demakratyčnych sił, palityčnych partyj, hramadskich arhanizacyj, abjadnańniaŭ i płatformaŭ, pradstaŭniki hramadzianskaj supolnaści, lidary mierkavańniaŭ i hramadskija aŭtarytety, niezaležna ad našych palityčnych pohladaŭ pa lubych inšych pytańniach, adzinyja ŭ nastupnaj pryncypovaj pazicyi, jakuju my vykazvajem ad imia ŭsiaho biełaruskaha naroda:
Suvierenitet i niezaležnaść Respubliki Biełaruś źjaŭlajucca najvyšejšaj kanstytucyjnaj dziaržavaŭtvaralnaj kaštoŭnaściu biełaruskaha naroda.
Luby zamach na suvierenitet i niezaležnaść Respubliki Biełaruś źjaŭlajecca najciažejšym dziaržaŭnym złačynstvam.
Takija dziejańni buduć źjaŭlacca zdradaj narodu našaj krainy, jaki šmat stahodździaŭ damahaŭsia svajoj niezaležnaj i suvierennaj dziaržavy, i zastanucca niazmyŭnaj hańbaj u historyi Biełarusi dla tych asob, jakija ich ździejśniać.
My patrabujem ad ułady admovicca ad lubych sprob źniščyć niezaležnuju biełaruskuju dziaržavu abo padparadkavać jaje zamiežnaj dziaržavie. Handal suvierennym pravam biełaruskaha naroda na svaju nacyjanalnuju dziaržavu ŭ mižnarodna pryznanych miežach — nie dapuščalny ni ŭ jakim vyhladzie.
Biełaruski narod nie pryznaje padpisańnie mižnarodnych damoŭ ci inšych dakumientaŭ i zakanadaŭčych aktaŭ, jakija staviać pad pahrozu niezaležnaść i suvierenitet Respubliki Biełaruś.
My, jak i ŭvieś biełaruski narod, budziem zmahacca ŭsimi kanstytucyjnymi mietadami suprać luboj pahrozy niezaležnaści i suvierenitetu našaj krainy, ličačy heta abaviazkam i śviaščennym doŭham kožnaha hramadzianina Respubliki Biełaruś.
Respublika Biełaruś — heta i Respublika ŭsiaho biełaruskaha naroda, i heta dziaržava kožnaha biełarusa. Kožnaha z nas.
My chočam, kab my i našyja dzieci žyli ŭ niezaležnaj, suvierennaj, demakratyčnaj i kvitniejučaj Biełarusi.
I tak budzie!
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary