U sudzie Baranavickaha rajona vynieśli prysud 29-hadovamu Siarhieju Bohdanu, 33-hadovamu Uładzimiru Łankieviču, 31-hadovamu Viktaru Ivancovu. Pieršych dvuch pryznali vinavatymi pavodle č. 1 art. 14 i art. 309 dy asudzili da troch hadoŭ kałonii. Ivancovu dali dva hady kałonii, paviedamlaje spring96.org.
Pavodle śledstva, kožny raz abvinavačanyja pravodzili pa dźvie sproby zabłakavać ruch čyhunačnaha transpartu. Niekatoryja skončylisia niaŭdačaj, a ŭ dvuch vypadkach błakavańnie spracavała: u vyniku byŭ parušany ruch ciahnikoŭ.
Ich pryznali vinavatymi ŭ pryviadzieńni ŭ nieprydatny dla ekspłuatacyi stan transpartnaha abstalavańnia.
Abvinavačanyja pryznali sami dziejańni, ale admovili jakija-niebudź paškodžańni: usie ŭčastki čyhunki, da jakich dakranalisia, nie stracili pracazdolnaść, što nie moža być kvalifikavana jak złačynstva pavodle art. 309. Jany zapeŭnivajuć, što viedali, što ničoha niebiaśpiečnaha ad ich dziejańniaŭ nie było. I tamu ličać, što nie ździajśniali kryminalnaha złačynstva, a prosta «zadavolili cikaŭnaść».
Śviedkami pa spravie byli dzieviać rabotnikaŭ čyhunki. Usie, akramia adnaho ź ich, zapeŭnili sud, što dziejańni abvinavačanych nie mahli pryčynić paškodžańniaŭ, a ŭsie nastupstvy byli lohka i chutka likvidavanyja. Śviedčańni Jaŭsiejenki dapuskali roznačytańnie, ale paśla ŭdakładnialisia inšymi ŭdzielnikami pasiadžeńnia.
— Nieŭzabavie pa telefonie mnie paviedamili, što ŭ strełkavym pierachodzie lažyć žvir, jaki nie dazvoliŭ strełcy ŭstać u pravilnaje stanovišča, — raspaviała dziažurnaja pa stancyi ŭ tuju noč. — Nastupstvy ad takich dziejańniaŭ mahli nastupić, ale nie nastupili. Ciahnik prosta vyjšaŭ na paŭhadziny paźniej, to-bok byŭ źmienieny hrafik. Pad nastupstvami ja razumieju zryŭ ruchu. U takim vypadku pravodziłasia b słužbovaje raźbiralnictva.
Śviedka — revizor słužby biaśpieki ruchu ciahnikoŭ — adznačyŭ, što takija dziejańni mahli pryvieści da zboju aŭtamatyki i zatrymki ruchu ciahnikoŭ. Pry hetym adznačyŭ, što aŭtamatyka nie dapuściła b krušeńnia ciahnika.
Ciapier čytajuć
Pamior kupałaviec Ivan Kušniaruk. Jamu było 34 hady4
Pamior kupałaviec Ivan Kušniaruk. Jamu było 34 hady
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary