Navukoŭcy: vakcyna ad kavidu dziejničaje, navat kali niama pabočnych efiektaŭ paśla pryščepki
U zaležnaści ad uzrostu i inšych faktaraŭ pabočnyja efiekty paśla vakcynacyi mohuć być roznymi abo ŭvohule adsutničajuć. Adnak navukoŭcy śćviardžajuć, što pryščepka zabiaśpiečvaje imunitet u lubym vypadku.
Śpiecyjalisty pa infiekcyjnych zachvorvańniach pierakonvajuć, što ludzi atrymlivajuć achovu ad kavidu paśla vakcynacyi, navat kali ŭ ich niama nijakich pabočnych efiektaŭ nakštałt stomlenaści ci lichamanki, piša The Wall Street Journal.
Na veb-sajcie SAAZ adznačajecca, što pabočnyja efiekty paśla pryščepki aznačajuć toje, što arhanizm vypracoŭvaje abaronu ad karanavirusa. Na padstavie hetaha śćvierdžańnia mnohija ludzi prychodziać da vysnovy, što adsutnaść pabočnych efiektaŭ robić vakcynacyju biessensoŭnaj, bo arhanizm u takim vypadku nie vypracoŭvaje nieabchodny imunitet da virusa. Tym nie mienš, daktary-infiekcyjanisty śćviardžajuć, što bolšaść ludziej navat biez pabočnych efiektaŭ atrymlivajuć achovu ad kavidu. Vakcyny dziejničajuć, navat kali ŭ vas niama stomlenaści, lichamanki, hałaŭnoha bolu ci bolu ŭ myšcach.
Nievialikaje daśledavańnie, praviedzienaje navukoŭcami ź Piensilvanskaha ŭniviersiteta, vyjaviła, što tyja, chto mieŭ bolš mocnyja pabočnyja efiekty paśla vakcynacyi mieli krychu vyšejšy ŭzrovień antycieł, ale ŭsie, chto atrymaŭ vakcynu, niezaležna ad reakcyi na pryščepku, mieli dastatkovyja imunnyja reakcyi dla abarony ad virusa.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary