Siońnia, praz 42 hady paśla śmierci, Če Hievara – chutčej maskultavaja i rekłamnaja ikona, čym ideałahičnaja.
1.Morkvy zamiest patronaŭ
Čyrvonaja baretka, štany chaki i kulamietnyja stužki z morkaŭkami zamiest patronaŭ. Nie, toje nie letniaja kalekcyja Žana Pola Haćje, heta novaje abličča Lidzii Hievary. Unučka kamandante Če idzie jahonym šlacham… amal što jahonym. Taksama prahnie revalucyi, ale, u adroźnieńni ad dzieda, nie žadaje karystacca ahniastrelnaj zbrojaj.
24-hadovaja Lidzija Hievara źniałasia dla ahitacyjnaj kampanii tavarystva RIETA, jakoje zajmajecca abaronaj žyviołaŭ. Lidzija, viehietaryjanka, była abranaja siarod niekalkich pretendentak, ale nie apošniaje rolu ŭ tym abrańni syhrała jaje svajactva z kubinskim revalucyjanieram. Unučka žyvie ŭ źnienavidnych dziedam Štatach. Jana śćviardžaje, što styl žyćcia viehietaryjancaŭ — sam pa sabie revalucyja, a mienavita tamu pryciahvaje pa ŭsim śviecie ŭsio bolš prychilnikaŭ. Presavy sakratar žyviołaachoŭčaj arhanizacyi Majkł Makreha dadaje, što sama prysutnaść naščadka Ernesta Če Hievary padściobvaje ludziej dałučycca da viehietaryjanskaj revalucyi.
Jak i inšyja arhanizacyi, RIETA viedaje, jak pry dapamozie znakamitaściaŭ pryciahnuć uvahu ŚMI. Naprykład jany zadziejničali Poła Makartni, jaki niadaŭna uznačaliŭ kampaniju «Volny ad miasa paniadziełak», dzie zaklikaŭ raz na tydzień pilnavacca viehietaryjanstva.
2. Revalucyja jak tavar
Siońnia, 42 hady paśla śmierci, Če Hievara – chutčej maskultavaja i rekłamnaja ikona, čym ideałahičnaja.
Paśla dziesiacihodździaŭ miedyjnaha biassłaŭja hety vobraz byŭ padniaty na ščyt šalona papularnym u 90-ja mietalovym hurtom Rage Against the Machine. Rokiery źmiaścili vyjavu Če Hievary na majki ŭporavień z nazvaj svajoj hrupy.
Ideja zładzić revalucyju na asobna ŭziatym puzie zajmieła plon: stul sakołki i biejsbołki z partretam baradataha čałavieka ŭ baretcy pradajucca miljonnymi partyjami.
Rokiery adno chacieli dabicca adradžeńnia buntoŭnaha duchu, ale ŭrešcie čałaviectva atrymali jašče adnaho rekłamnaha piersanaža, cudoŭna dapasavanaha da miaciežnych pociahaŭ moładzi. I, razam razam z tym, zdolnaha prynosić niebłahija prybytki. Niezdarma rasiejski prazaik Viktar Pialevin źmiaściŭ tvar Če Hievary ŭ atačeńni tavarnych znakaŭ «Piepsi-Koły» i «Koka-Koły» na vokładku svajho ramana «Generation P», pryśviečanaha sučasnamu hramadstvu spažyvańnia.
Užo jak rozdum nad pryrodaj aśviatleńnia značnych padziej u ŚMI, biełaruskija mastaki Uładzimir Ceśler i Siarhiej Vojčanka prydumali cełuju sieryju art-sakołak z vyjavaj Če Hievary, kožnaja ź jakich pradstaŭlaje niejkuju vialikuju katastrofu ci biedstva, što napatkali čałaviectva ŭ XX st. Mnohija ź ich, pavodle dziŭnaha źbiehu abstavinaŭ, pačynajucca na «Če»: Che choslovakia 1968, Che rnobyl 1986, Che llenger 1986, Che chnya 1994 i h.d.
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary