U Dzień Niezaležnaści ruch transpartu na niekatorych vulicach Minska budzie abmiežavany i zakryty.
U suviazi z praviadzieńniem śviatočnych mierapryjemstvaŭ 3 lipienia ŭ Minsku budzie abmiežavany i zakryty ruch transpartu na šerahu vulic.
Pavodle źviestak upraŭleńnia DAI HUUS Minharvykankama, z 5.00 da 7.00 budzie abmiežavany ruch pa vulicach Zasnavalnikaŭ, Starynaŭskaj, Surhanava, Bahdanoviča, praśpiektach Niezaležnaści i Mašerava.
Z 6.30 da 7.30 ruch budzie abmiežavany pa praśpiekcie Pieramožcaŭ, vulicach Sapioraŭ i Cimirazieva.
Zakryvajecca ruch transpartu z 5.30 i da zaviaršeńnia mierapryjemstvaŭ (prykładna da 4.00 4 lipienia) — pa praśpiekcie Mašerava ad vulicy Cimirazieva da praśpiekta Niezaležnaści, a taksama pa praśpiekcie Pieramožcaŭ ad vulicy Arłoŭskaj da praśpiekta Niezaležnaści.
Z 10.20 da 11.00 ruch transpartu budzie zabaronieny pa praśpiekcie Pieramožcaŭ (ad vulicy Lenina da vulicy Kazłova), vulicach Kisialova (ad vulicy Čyrvonaj da praśpiekta Niezaležnaści) i Zacharava (ad vulicy Pieršamajskaj da praśpiekta Niezaležnaści).
DAI rekamienduje vadzicielam vyklučyć sa svajho maršrutu nazvanyja ŭčastki vulična‑darožnaj sietki.
Abjezd zakrytych učastkaŭ — pa vulicach Cimirazieva, Arłoŭskaj, Čarviakova, Charužaj, Kujbyšava, Kupały, Bahdanoviča, Niamiha, Cetkin, Ramanaŭskaja Słabada i Kalvaryjskaja.
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary