Partyja BNF nastojvaje na tym, kab pry vybary adzinaha kandydata ad apazicyi abaviazkovaj umovaj było vałodańnie budučaha prezidenta biełaruskaj movaj.
Partyja BNF nastojvaje na tym, kab pry vybary adzinaha kandydata ad apazicyi abaviazkovaj umovaj było vałodańnie budučaha prezidenta biełaruskaj movaj.
«Biełorusskij partizan» vyrašyŭ vyśvietlić, jak da takoj umovy staviacca biełarusy. Pa słovach paeta Hienadzia Buraŭkina, heta pazityŭny momant. «Viedańnie biełaruskaj movy dla prezidenta pavinna być abaviazkovaj umovaj. Heta navat patrabavańnie toj Kanstytucyi, jakaja moža być i nie samaja lepšaja, ale pavodle jakoj my žyviom. U nas u krainie ŭ Kanstytucyi vyznačanyja dźvie dziaržaŭnyja movy: biełaruskaja i ruskaja, — i čałaviek, jaki pretenduje na pasadu prezidenta, pavinien być harantam kanstytucyi.
Jon pavinien absalutna vałodać jak ruskaj, tak i biełaruskaj movami, i, najpierš, biełaruskaj movaj, pakolki ŭ Kanstytucyi jana zapisanaja pieršaj i heta mova karennaha nasielnictva.
Ludmiła Hraznova — kiraŭnik Biełaruskaha pravaabarončaha aljansu — pierakananaja, što budučy prezident pavinien viedać nia mienš za try movy.
«Abaviazkovaj umovaj pavinna być vałodańnie ruskaj movaj, biełaruskaj movaj i adnoj z movaŭ, na jakich razmaŭlaje ŭvieś astatni śviet — francuzskaj, niamieckaj albo anhlijskaj, bo sučasny ŭzrovień intehracyi i kamunikacyi patrabuje ad budučaha kandydata vielmi vysokich linhvistyčnych zdolnaściaŭ».
Eks-deputat parłamientu hienierał Valery Frałoŭ da samoj idei vybaru adzinaha kandydata ad apazicyi stavicca ź vialikim niedavieram.
«Heta całkam fantastyčnaja ideja, jakaja naŭrad ci da čaho pryviadzie», — pierakanany hienierał.Adnak pryznaje, što viedańnie biełaruskaj movy nieabchodnaje dla lidera Biełarusi. «U Kyrhyzstanie, naprykład, budučy prezident musić zdać ispyt pa kirhizskaj movie. I heta vielmi razumna. Tak varta zrabić i ŭ nas. Budučy kandydat abaviazkova pavinien dobra vałodać biełaruskaj movaj», — ličyć Valery Frałoŭ.
Karaciej, prezident, jaki nie viedaje svajoj rodnaj movy — heta sapraŭdy nonsiens. Chacia dla našaj krainy, na žal, zvykły.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ9
Kamientary