Padčas vajny z Hruzijaj Rasija straciła šeść, a nie čatyry samaloty, i try ź ich źbiła sama, havorycca ŭ dakładzie časopisa Moscow Defence Brief.
Padčas vajny z Hruzijaj Rasija straciła šeść, a nie čatyry samaloty, i try ź ich źbiła sama, havorycca ŭ dakładzie časopisa Moscow Defence Brief. Pryčyna ŭ nieskaardynavanaści dziejańniaŭ i pamyłkach kiravańnia, pišuć ekśpierty. Nie staje padrychtavanych piłotaŭ, pryznajuć u Hienštabie.
Spasyłajučysia na krynicy ŭ vajennych viedamstvach i źviestki ŚMI, aŭtary dakładu pišuć, što z pryčyny adsutnaści kaardynacyi ŭ dziejańniach rasijskija VPS i suchaputnyja vojski «viali roznyja vojny». Na praktycy heta značyła, što rasijskija i asiecinskija vajennyja časta prymali rasijskija samaloty za hruzinskija i adkryvali pa ich ahoń.
«Z šaści źbitych samalotaŭ dva dakładna byli źbityja ahniom supiernika, try samaloty peŭna — «siabroŭskim ahniom». Vyznačyć, chto źbiŭ jašče adzin, ujaŭlajecca składanym», — havorycca ŭ dakładzie. Pres‑słuž Minabarony Rasii admoviłasia ad chutkich kamientaroŭ dakładu.
Z šaści samalotaŭ dva rasijskija VVS stracili ŭ pieršy dzień vajny 8 žniŭnia, jašče čatyry — na nastupny dzień.
Pieršaj strataj staŭ šturmavik Su‑25BM, źbity pieranosnym zienitna‑rakietnym kompleksam (PZRK) nad terytoryjaj Paŭdniovaj Asiecii: «U jaho pacelili paŭdniovaasiecinskija apaŭčency».
Padzieńnie samalotu było pakazanaje pa telebačańni jak paraza hruzinskaha šturmavika, adznačajuć ekśpierty.
Druhi šturmavik Su‑25SM viartaŭsia z zadańnia z užo padbitym levym ruchavikom, i «praź niekatory čas pry pralocie nad paŭdniovymi ŭskrainami Cchinvali na vyšyni 1000 mietraŭ u samalot pacelili rakietaj PZRK u pravy ruchavik». Paśla padzieńnia šturmavika paŭdniovaasiecinski bok iznoŭ paviedamiŭ pra źniščeńnie hruzinskaha samalota.
9 žniŭnia ŭ rajonie paŭdniovaasiecinskaj bazy ŭ Džavie upaŭ šturmavik Su‑25. Rasijskija vajennyja ŭ toj dzień kazali, što źbili hruzinski samalot. Adnak da hetaha času VPS Hruzii admovilisia ad palotaŭ nad Paŭdniovaj Asiecijaj, nahadvajuć aŭtary dakładu. Ekśpierty nie mohuć skazać peŭna ab tym, što hety samalot taksama źbity rasijskimi SPA.
Zatoje 11 žniŭnia pamyłkovym strełam z kałony rasijskich vojskaŭ, što ruchałasia z Cchinvali ŭ Hory, byŭ dakładna źbity rasijski samalot Su. Śćviardžajecca taksama, što niekalki Su‑25 VPS Rasii byli paškodžanyja, ale zdoleli viarnucca na bazu.
«Rasijskija piłoty nie byli całkam painfamavanyja pra situacyju na ziamli, raźvieddadzienyja atrymlivali niedakładnyja i z spaźnieńniem, i kali pačalisia bajavyja dziejańni, u ich navat nie było źviestak pra moc i strukturu VPS Hruzii», — tłumačyć časopis pryčyny promachaŭ rasijskich vajskoŭcaŭ.
«Tak, niepryjemna, kaniečnie, ale ŭsie viedajuć, što našyja VPS kiepska trenirujuć piłotaŭ. Tak byvaje», — nie ździŭleny pałkoŭnik HRU u adstaŭcy Vitali Šłykaŭ. Pavodle jahonych słovaŭ, «heta dobra viadomyja fakty, jany daŭno abmiarkoŭvajucca» ekśpiertnaj i vajennaj supolnaściami. «Načalnik Hienštabu ŭžo patłumačyŭ, što piłotaŭ znajści niemahčyma i davodzicca brać ich faktyčna biez padrychtoŭki», — nahadvaje Šłykaŭ.
Ahułam padčas vajny ŭ Hruzii ŭ žniŭni 2008 hodu zahinuli 64 rasijskich vajskoŭcy i 283 byli paranienyja, raspaviadaŭ u lutym 2009 hodu namieśnik ministra abarony RF hienierał armii Mikałaj Pankoŭ. Da hetaha času idzie identyfikacyja pareštkaŭ źnikłaha bieź viestak lotčyka samalota Tu‑22, źbitaha padčas vajny. Tady dva člena ekipažu zahinuli adrazu, adzin byŭ ciažka paranieny i pieradadzieny hruzinami rasijskamu boku, i adzin źnik bieź viestak. U lutym Hruzija pieradała Rasii frahmienty DNK zahinułaha, jaki moh mieć adnosiny da Tu‑22.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary