Ad stužkafrenda siarozhka daviedaŭsia pra isnavańnie «Čornaha śpisu hamafobaŭ Biełarusi». U śpisie 12 pazicyj.
Adna palityčnaja partyja (paščaściła KCHP‑BNF), dva srodki masavaj infarmacyi i 9 čałaviek, ažno 4 ź jakich heta pradstaŭniki biełaruskaj apazicyi.
Uładu ŭ śpisie pradstaŭlajuć tolki deputaty Pałaty pradstaŭnikoŭ.
U śpisie hamafobaŭ niama nivodnaha pradstaŭnika vykanaŭčaj ułady!
Vynik prosty — siarod ścipłych dasiahnieńniaŭ 15 hod znachodžańnia Alaksandra Ryhoraviča pry ŭładzie, jašče i pieramoha nad hamafobijaj ŭ šerahach kiraŭnictva RB. I hałoŭny vorah biełaruskich hiejaŭ — heta apazicyja i, u pryvatnaści, «Małady Front» i BCHD. Uličvajučy, što ŭzhadanyja arhanizacyi presujucca biełaruskimi śpiecsłužbami dyk i tut hiei Biełarusi mohuć być zadavoleny...
Składajecca ŭražańnie, što Biełaruś — raj dla hiejaŭ, dzie samyja aśviečanyja i talerantnyja ŭłady. Spadziajusia, što ja ŭsio pravilna zrazumieŭ? Prynamsi z ŭzhadanaha «čornaha śpisu» vyrysoŭvajecca mienavita taki vobraz situacyi.
Ludzi, jakija składajuć «čornyja śpisy» heta asablivaja katehoryja. Tamu ja nie asabliva ździviŭsia, kali padčas prahladańnia śpisu homafobaŭ, u mianie vyskačyła — your IP is banned. Heta aznačaje, što ja tak sama patrapiŭ u niejki śpis :‑)
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary