Paštaljonu Vadzimu Cahielniku dali try hady kałonii za kaardynacyju dvarovych pratestaŭ
Sud Maskoŭskaha rajona Minska 2 listapada vynies prysud pa kryminalnaj spravie ŭ dačynieńni da byłoha paštaljona Vadzima Cahielnika. Jon abvinavačany adrazu pa dvuch artykułach KK: abraza pradstaŭnika ŭłady (art. 369 KK) i arhanizacyja i padrychtoŭka dziejańniaŭ, jakija hruba parušajuć hramadski paradak, albo aktyŭny ŭdzieł u ich (art. 342 KK).
Pavodle śledstva, 21-hadovy Vadzim Cahielnik z vykarystańniem internetu «pry dapamozie noŭtbuka i niekalkich mabilnych telefonaŭ, pradprymajučy pry hetym kanśpiratyŭnyja miery, ažyćciaŭlaŭ destruktyŭnuju dziejnaść, nakiravanuju na destabilizacyju abstanoŭki ŭ hramadstvie: zaklikaŭ da masavych biesparadkaŭ, jakija paciahnuli parušeńnie pracy hramadskaha transpartu».
19 kastryčnika prakuror zaprasiŭ sud vynieści abvinavaŭčy prysud, pakolki ličyć, što vina dakazanaja całkam, zychodziačy z pakazańniaŭ, Cahielnik pakidaŭ kamientar abraźlivaha charaktaru, što paćviardžajecca materyjałami spravy.
U vyniku sudździa Lidzija Cielica vyniesła prysud zhodna z prapanovaj abvinavačvańnia: pazbaŭleńnie voli ŭ kałonii ahulnaha režymu terminam na try hady. Jon uziaty pad vartu ŭ zale suda.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary