Palitviaźniu Alaksieju Sałdatkinu prysudzili try hady «chimii»
8 listapada sud Centralnaha rajona Minska vynies prysud 25-hadovamu palitviaźniu Alaksieju Sałdatkinu. Sudździa Dźmitryj Karsiuk pryznaŭ jaho vinavatym pavodle art. 342 KK i prysudziŭ jamu try hady abmiežavańnia voli z nakiravańniem u PUAT — «chimii». Mienavita takoje pakarańnie zaprasiŭ prakuror Arciom Ćviatkoŭ. Palitviaźnia vyzvalili ŭ zale suda, paviedamlajuć pravaabaroncy.
Advakat paprasiŭ dałučyć da spravy stos hramat: Alaksiej — vypusknik BDU, zakončyŭ škołu z załatym miedalom. Musiŭ udzielničać u mižnarodnaj alimpijadzie pa hieahrafii ŭ Tokia, ale prapuściŭ jaje praz chvarobu. Taksama jon znachodziŭsia ŭ fondzie adoranych dziaciej Biełarusi.
Alaksieja zatrymali 26 žniŭnia 2021 hoda praz fotazdymak, zrobleny padčas pratestaŭ 10 žniŭnia 2020 hoda na praśpiekcie Pieramožcaŭ.
Sam palitviazień u apošnim słovie paprasiŭ prabačeńnia ŭ rodnych, padziakavaŭ usim za padtrymku, a taksama skazaŭ, što bolš za ŭsio na śviecie choča ciapier być sa svajoj žonkaj. «Ja dumaju, što mahu prynieści bolš karyści hramadstvu i dziaržavie, znachodziačysia na voli», — skazaŭ jon.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary