Łukašenka pra ŭdzieł u vybarach: Možna było nie iści na hetyja vybary, ale ja pastupiŭ hienijalna
Łukašenka ŭ intervju prapahandystu Kisialovu nazvaŭ rašeńnie bałatavacca na prezidenckich vybarach u žniŭni 2020 hoda samym važnym u žyćci.
«Ja ŭžo hatovy byŭ, kab ludzi abrali svajho novaha čałavieka. Možna było nie iści na hetyja vybary, ale ja pastupiŭ, daruj za niaścipłaść, hienijalna. Da vybaraŭ publična ja skazaŭ: viedajecie, ja nie mahu nie iści na hetyja vybary. Kali raptam niešta zdarycca (vajna, pieraviernuć krainu i inšaje), i ja nie pajšoŭ na ich, i paśla vybaraŭ heta adbudziecca, vy ž mianie abvinavacicie, što ja źbieh, ja bajaźliviec. Słuchaj, ja jak u vadu hladzieŭ», — skazaŭ Alaksandr Łukašenka.
Pa słovach palityka, jon u toj situacyi vyrašyŭ bałatavacca «nie tamu što vialiki, a tamu što abaraniaŭ svaju spravu».
Pry hetym Łukašenka śćviardžaje, što ŭłady nie falsifikavali vybary.
«Dobra, što ja pajšoŭ na hetyja vybary. Prabač mianie za niaścipłaść, heta vyratavała Biełaruś. Nie tamu što ja dyktatar», — dadaŭ Łukašenka.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ12
Kamientary