Mocny viecier narabiŭ biady ŭ 458 nasielenych punktach u 58 rajonach. Elektryčnaść źnikała ŭ 3114 vioskach
Pavodle apieratyŭnych danych na ranicu, z pryčyny mocnaha vietru z paryvami da 32 m/s u 58 rajonach krainy: paciarpieli 458 nasielenych punktaŭ. Najbolšy ŭdar stychii prypaŭ na Minskuju vobłaść (178 nasielenych punktaŭ), Mahiloskuju (120), Hrodzienskuju (79).
Paškodžany dachi 427 žyłych damoŭ, 66 abjektaŭ sackultbytu, 20 vytvorčych i 602 sielskahaspadarčych budynkaŭ.
Zafiksavanyja 170 vypadkaŭ padzieńnia dreŭ u Bresckaj (7), Viciebskaj (10), Homielskaj (21), Hrodzienskaj (20), Minskaj (78), Mahiloŭskaj (11) abłaściach i ŭ Minsku (23).
Elemientami dachaŭ i pavalenymi drevami paškodžany 32 aŭtamabili.
U Lachavickim, Tałačynskim, Voranaŭskim rajonach zafiksavanyja padzieńni dreŭ na čyhunačnyja šlachi i linii elektrapieradačy. Zatrymka ruchu 18 pasažyrskich i 24 hruzavych ciahnikoŭ skłała ad 11 chvilin da 3 hadzin 22 chvilin.
U Oršyn na čyhunačnaj stancyi adbyłosia paškodžańnie kantaktnaj linii elektraciahnikoŭ i trubapravoda ciepłazabieśpiačeńnia. Zatrymki ŭ ruchu ciahnikoŭ nie adbyłosia, pišuć MNS.;
U Minsku pa pr. Rakasoŭskaha, 3 sarvanym u vyniku paryvu vietru płastykavym pakryćciom prypynačnaha punkta traŭmavanaja 66-hadovaja žančyna. U Mahilovie rekłamnyja ščyty traŭmavali 48-hadovaha mužčynu i 31-hadovuju žančynu.
Na akvatoryi vadaschovišča Drazdy rabotnikami Asvoda dastaŭleny ź lodu na bierah 15 rybakoŭ, jakija nie mahli samastojna pakinuć lod z-za mocnych paryvaŭ vietru. Paciarpiełych niama.
Pa danych «Biełenierha» na praciahu sutak na terytoryi Respubliki pieryjadyčna parušałasia elektrazabieśpiačeńnie 3114 nasielenych punktaŭ (Bresckaja vobłaść — 90, Viciebskaja — 915, Homielskaja — 362, Hrodzienskaja — 373, Minskaja — 882, Mahiloŭskaja — 492).
Pa stanie na 06-00 1 biez elektrazabieśpiačeńnia zastajucca 366 nasielenych punktaŭ (Viciebskaja-67, Homielskaja-44, Hrodzienskaja-39, Minskaja — 60, Mahiloŭskaja — 156).
Mocny viecier u Biełarusi — pavalenyja prypynki, pałamanyja drevy, sarvanyja dachi FOTY
Niaśvižy viecier pavaliŭ hałoŭnuju navahodniuju jełku horada. Padobnyja vypadki adbylisia i ŭ Homieli dy inšych haradach
Biełaruś nakryŭ razburalny cykłon «Elza» VIDEA
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary