U brusielskim mietro mužčyna śviadoma šturchnuŭ žančynu pad koły ciahnika. Vyratavała reakcyja mašynista
Na stancyi «Rogier» brusielskaha mietro mužčyna niečakana šturchnuŭ žančynu pad koły ciahnika. Pra heta paviedamiła hazieta The Brussels Times. Trahiedyi nie adbyłosia tolki tamu, što mašynist paśpieŭ svoječasova zatarmazić.
«Mašynist adreahavaŭ vielmi dobra, ale jon u takim ža šoku, jak i achviara», — skazaŭ paśla pradstaŭnik brusielskaha mietrapalitenu Haj Sabłon.
Incydent adbyŭsia 15 studzienia, kala ŭ 19:45 pa miascovym časie mužčyna raptam kinuŭsia na žančynu i šturchnuŭ jaje na rejki, kali ciahnik padjazdžaŭ da stancyi. Mašynist, ubačyŭšy čałavieka na puciach, nacisnuŭ na avaryjny tormaz. Vidavočcy zdareńnia dapamahli žančynie padniacca z puciej na płatformu.
(⚠️Vidéo choc)
Tentative de meurtre dans la station de métro Rogier à Bruxelles ce vendredi vers 19h40. pic.twitter.com/dT0ag5qEFu
Paciarpiełuju i mašynista paśla zdareńnia dastavili ŭ balnicu. Paśla akazańnia miedycynskaj dapamohi im dazvolili viarnucca dadomu.
Padazravany ŭciok ź miesca złačynstva, ale palicyja jaho znajšła i aryštavała. Mužčyna zatrymany za zamach na zabojstva, jamu pryznačanaja psichijatryčnaja ekśpiertyza.
Kamientary