Na volu vyjšaŭ palitviazień Ivan Komar, jakoha sudzili razam ź Mikitam Jemieljanavym
21-hadovaha palitviaźnia Ivana Komara siońnia vyzvalili pavodle ŭmoŭna-daterminovaha vyzvaleńnieja, paviedamlaje «Viasna».
Aktyvist anarchisckaha ruchu byŭ asudžany 12 lutaha 2020 hoda da siami hadoŭ pazbaŭleńnia voli ŭ kałonii ŭzmocnienaha režymu.
27 sakavika Minharsud pa apielacyjnaj skarzie źmienšyŭ termin Ivanu Komaru da 3,5 hoda kałonii ŭzmocnienaha režymu. Praź niekatory čas palitviaźnia pieraviali na turemny režym za parušeńnie praviłaŭ unutranaha rasparadku.
Da vyzvaleńnia palitviazień utrymlivaŭsia ŭ žodzinskaj turmie №8.
Komara sudzili razam z anarchistam Mikitam Jemieljanavym.
Ich vinavacili pa niekalkich artykułach kryminalnaha kodeksa. Pavodle śledstva, naprykancy vieraśnia 2019 hoda Jemieljanaŭ i Komar zakidali lampačkami z farbaj budynak Minskaha haradskoha suda, dzie ŭ hetyja dni prachodziŭ sud nad anarchistam Dźmitryjem Palijenkam. Učynak byŭ rascenieny jak psavańnie majomaści (art. 341 Kryminalnaha kodeksu — apahańvańnie zbudavańniaŭ i psavańnie majomaści).
U kastryčniku Jemieljanaŭ i Komar, pavodle abinavačańnia, vyrabili «haručy kaktejl», u pieršaj pałovie kastryčnika pryjechali da SIZA № 1 na vulicy Vaładarskaha ŭ Minsku i sprabavali padpalić uvachodnyja dviery. Adnak sumieś nie ŭspychnuła.
Prykładna praz tydzień, jany paŭtaryli sprobu. U vyniku padpału pamiaškańniu byŭ naniesienyja straty na sumu 1 rubiel 48 kapiejek.
Hetyja dziejańni padpadajuć pad častku 2 artykuła 295-3 Kryminalnaha kodeksu (niezakonnyja dziejańni z pradmietami, dziejańnie jakich zasnavana na vykarystańni haručych rečyvaŭ u składzie hrupy).
Aproč hetaha, śledstva paličyła što mieŭ miesca zamach na naŭmysnaje paškodžańnie historyka-kulturnaj kaštoŭnaści, jakoj źjaŭlajecca Piščałaŭski zamak, dzie mieścicca SIZA №1 (artykuł 344 Kryminalnaha kodeksu).
U sudzie Mikita Jemialjanaŭ pryznaŭ vinu častkova, Ivan Komar całkam nie pryznaŭ viny ŭ napadzie na budynki, choć i nie admaŭlaŭ, što zdymaŭ na videa napad Jemialjanava na «Vaładarku».
Jon zajaviŭ, što pieršapačatkovyja pakazańni davaŭ pad ciskam supracoŭnikaŭ HUBAZiK.
Takim čynam, ciapier u Biełarusi naličvajecca 1006 palitviaźniaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary