Mietodyka restaŭracyi nie parušajecca, zapeŭnivaje staršynia Tavarystva achovy pomnikaŭ.
Mietodyka restaŭracyi nie parušajecca, zapeŭnivaje staršynia Tavarystva achovy pomnikaŭ.
Maštab pracaŭ u Łošycy pačynaješ adčuvać adrazu, jak traplaješ da Pałac kultury tekstylščykaŭ u stalicy. Źjavilisia novyja pabudovy, darožki, lažać kuby novaj plitki, vysiacca hurby piasku. Paŭsiul ślady ad ciažkaj techniki. Pobač z domam, ad jakoha na siońnia zastałasia pryblizna treciaja častka, składzienaje ŭ štabiel biarvieńnie. I heta restaŭracyja?
Staršynia Biełaruskaha dobraachvotnaha tavarystva achovy pomnikaŭ historyi i kultury Anton Astapovič u intervju BiełaPAN zapeŭniŭ, što mietodyka restaŭracyi pry praviadzieńni rabot u Łošyckim parku nie parušajecca. «Niekatoryja truchlavyja biarvieńni draŭlanych kanstrukcyj siadziby i buduć zamienieny na novyja, ale heta mietodycy restaŭracyi nie supiarečyć», —zajaviŭ Astapovič.
A ŭsie staryja biarvieńni pa adnym źbiaruć nazad. Fundamient budynku taksama budzie razabrany — kožny kamień u im paznačany numaram. Navat unikalnaja kafla ź piečaŭ siadziby adpraŭlenaja na restaŭracyju i paźniej budzie viernutaja na miesca.
Maštabnaja rekanstrukcyja Łošyckaha parku siadzibnaha domu pačałasia ŭ 2008 hodzie. Rekanstrukcyjaj domu zajmajecca navukova-vytvorčaje abjadnańnie «Elvira». Skončyć rekanstrukcyju zhodna płanaŭ jano musić u listapadzie 2010 hodu. Parkavaj častkaj na zamovu «Minskzielanbudu» zajmajecca AAT «Budtrest №1».
***
Łošycki siadzibna-parkavy kompleks adnosicca da XVIII-XIX stahodździaŭ, mieścicca na paŭdniovaj uskrainie Minska, na miescy sutoki rek Śvisłač i Łošyca. Łošycki siadzibny dom, pieršaja piśmovaja zhadka pra jaki datujecca kancom XVI — pačatkam XVII stahodździaŭ, składaŭsia z draŭlanaha adnapaviarchovaha i prybudavanaha da jaho cahlanaha dvuchpaviarchovaha abjomaŭ.
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec31
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary