U lidara ŭkraincaŭ Bieraściejščyny, staršyni Ukrainskaha navukova-piedahahičnaha sajuza «Bierahinia» Viktara Misijuka prajšoŭ pieratrus. Za apošni miesiac, jak sam napisaŭ u Fejsbuku, jon patrapiŭ pad pieraśled užo druhi raz, i heta jaŭna źviazana z vajnoj va Ukrainie.
Viktar Misijuk napisaŭ:
«Paśla taho jak 8 sakavika 2022 hoda siłaviki sarvali ŭzhodnienaje z haradskoj administracyjaj tradycyjnaje ŭskładańnie kvietak da pomnika Tarasa Šaŭčenki (aficyjnaj infarmacyi ni pra zabaronu, ni pra pieranos nie było) mianie i jak minimum jašče adnaho žychara Bieraścia źmiaścili ŭ kamieru.
Ale na hetym cisk nie skončyŭsia. Praź niekatory čas mianie paprasili napisać zajavu ab zvalnieńni, choć nijakich pretenzij pa pracy nie było. A siońnia pryjšli ź pieratrusam i zabrali arhtechniku.
U sankcyi na pieratrus było napisana, što ja mahu być datyčny da paharšeńnia estetyčnaha abličča horada šlacham raźviešvańnia na ich čahości niezakonnaha.
Razumieju, što ŭsio napisanaje mnoj vyhladaje jak žart ci vydumka. Ale takaja realnaść.
Nie viedaju, jak płanujuć viartać zakonnaść, narmalizavać staŭleńnie da pradstaŭnikoŭ ukrainskaj hramady Bieraściejščyny. Pakul ja takich šlachoŭ nie baču.
Baču tolki śviadomaje stvareńnie patavaj situacyi, vysmoktvańnie z palca nadumanych parušeńniaŭ».
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary