Pieršapačatkovaj metaj budaŭnictva naftapravodu byŭ tranzit kaśpijskaj nafty ŭ abychod Rasii ŭ Centralnuju Jeŭropu.
Ukraina prapanoŭvaje Biełarusi ŭziać udzieł u budaŭnictvie naftapravoda «Adesa — Brody». Pra heta paviedamiŭ ukrainski pasoł Ihar Lichavy 21 žniŭnia na pres‑kanfierencyi ŭ Minsku.
Pavodle jaho słoŭ, kiraŭnictva Biełarusi «nie zastałosia biezuvažnym, pytańnie ciapier vyvučajecca». «Tut jość i palityčny składnik, ale ekanamičnaja metazhodnaść i karyść u hetym vypadku niesumniennaja», — zaznačyŭ Lichavy.
Dypłamat padkreśliŭ, što prajekt pa pastaŭcy kaśpijskaj nafty ŭ krainy Bałtyi «Adesa — Brody» nabyŭ apošnim časam «jašče bolšuju aktualnaść». Lichavy taksama zaznačyŭ, što Azierbajdžan užo paćvierdziŭ, što hatovy pastaŭlać naftu. «Projdzie niašmat času, kali my atrymajem lohkuju kaśpijskuju naftu, u jakoj zacikaŭleny i jeŭrapiejskija, i biełaruskija naftapierapracoŭčyja pradpryjemstvy», — skazaŭ jon.
Pieršapačatkovaj metaj budaŭnictva naftapravodu «Adesa — Brody» byŭ tranzit kaśpijskaj nafty ŭ abychod Rasii ŭ Centralnuju Jeŭropu, a ŭ pierśpiektyvie — i ŭ party Bałtyjskaha mora. Naftapravod budavaŭsia na praciahu 1996—2001 hadoŭ, a zatym try hady zastavaŭsia niezahružanym. Paźniej było pryniata rašeńnie ab pačatku jaho pracy ŭ reviersnym režymie ŭ partniorstvie z Rasijaj: nafta z naftapravoda «Družba» pastupaje da terminałaŭ ukrainskaha porta Paŭdniovy (Adeskaja vobłaść).
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary