Žychara Minska asudzili da 10 hadoŭ kałonii za sprobu padpału lecišča staršyni Viarchoŭnaha suda
U Minskim abłasnym sudzie naprykancy sakavika pa č. 1 art. 14 i č. 2 art. 289 Kryminalnaha kodeksa (zamach na akt teraryzmu, ździejśnieny hrupaj asobaŭ pa papiaredniaj zmovie) asudzili ŭ zakrytym režymie 39-hadovaha minčuka Alaksandra Zajcava, piša «Viasna».
Alaksandr byŭ zatrymany 22 žniŭnia 2021 hoda kala lecišča staršyni Viarchoŭnaha suda Valancina Sukały za sprobu padpału. Jaho dziejańni kvalifikavali jak akt teraryzmu.
«Abvinavačany nie zmoh davieści svoj namier da kanca, pakolki supracoŭniki pravaachoŭnych orhanaŭ svoječasova spynili supraćpraŭnyja dziejańni», — havorycca ŭ abvinavačvańni.
Sudździa Siarhiej Jepichaŭ pakaraŭ Alaksandra 10 hadami kałonii va ŭmovach uzmocnienaha režymu.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam23
Kamientary