Učora hienieralny sakratar AAN Antoniu Huteryš zaklikaŭ Ukrainu i Rasiju abviaścić čatyrochdzionnaje pieramirje na pravasłaŭny Vialikdzień i adkryć humanitarnyja kalidory. Baki siońnia vykazalisia adnosna hetaj pierśpiektyvy, i ich reakcyja roznaja.
MZS Ukrainy padtrymała inicyjatyvu, zajaviŭšy:
«Całkam padzialajem mierkavańnie, što humanitarnaja paŭza nieabchodnaja dla biaśpiečnaj evakuacyi tysiač cyvilnych asob, jakija žadajuć pakinuć niebiaśpiečnyja zony bajavych dziejańniaŭ, jakija praciahvajucca i mahčymyja, u pieršuju čarhu sa šmatpakutnaha Maryupala».
Dadatkova prezident Ukrainy Uładzimir Zialenski zajaviŭ, što hatovy abmianiać rasijskich vajennapałonnych na biaśpiečny prachod dla cyvilnych asob i ŭkrainskich vojskaŭ u Maryupali. Pa jahonych źviestkach, u sutareńniach zavoda «Azoŭstal» moža chavacca kala tysiačy mirnych žycharoŭ.
U toj ža čas namieśnik staršyni Savieta biaśpieki Rasii Dźmitryj Miadźviedzieŭ da prapanovy ab vielikodnym pieramirji pastaviŭsia iranična:
«Hienieralny sakratar AAN prapanuje abjavić čatyrochdzionnaje «vielikodnaje pieramirje» va Ukrainie. Praz hadzinu kancler FRH tavaryš Šolc zaklikaje pavialičyć pastaŭki Ukrainie zbroi, u tym liku i ciažkaj, kab Rasija, jak jany lubiać kazać, nikoli nie pieramahła. Vielmi paśladoŭnaja pazicyja mižnarodnaj supolnaści».
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary