Dvuchfaznaje ačyščeńnie tvaru: pravierany karejski sposab zrabić skuru pryhožaj
Ačyščeńnie skury ŭviečary — vyklučna važny elemient dohladu jaje. Usio bolš papularnymi robiacca karejskija sposaby ŭmyvańnia, u tym liku i kancepcyja dvuchfaznaha ačyščeńnia tvaru. Što heta za pracedura i čym jana karysnaja?
Jak zrazumieła z nazvy, dvuchfaznaje ačyščeńnie tvaru składajecca ź dźviuch častak.
Padčas pieršaha etapu my ačyščajem skuru alejnymi praduktami, padčas druhoha — umyvajemsia tradycyjnymi kaśmietyčnymi srodkami, da prykładu, pienkaj. Dziakujučy hetamu možna ačyścić skuru našmat lepiej.
Kali vy majecie kambinavanuju skuru ci skuru, schilnuju da źjaŭleńnia akne ci pavyšanaj sakrecyi tłuščavych załoz, vam moža zdavacca, što vykarystańnie alejnych praduktaŭ tolki pahoršyć stan vašaj skury. Ale ekśpierty ličać, što takija pradukty naadvarot dapamohuć efiektyŭniej vydalać skurany tłušč i brud.
Takija pradukty nie ŭździejničajuć na skuru ahresiŭna i nie źniščajuć jaje achoŭny słoj, tamu ad ich nie pavialičycca vypracoŭka skuranoha tłušču.
Taksama hłybokaje ačyščeńnie palapšaje ahulny stan skury i spryjaje lepšym vynikam na nastupnych etapach dohladu, naprykład, lepšamu pastupleńniu ŭ skuru karysnych rečyvaŭ z kremaŭ ci syrovatak.
Narešcie, dźviuchfaznaje ačyščeńnie dapamahaje zapavolić stareńnie skury i pieraduchilaje razmnažeńnie bakteryj na joj.
Krok za krokam
Samaje važnaje ŭ hetaj kancepcyi — stroha vykonvać paśladoŭnaść dziejańniaŭ i rabić dvuchfaznaje ačyščeńnie skury rehularna. Spačatku vykarystoŭvajem kaśmietyku na asnovie aleju, naprykład, małačko, micelarnuju vadu ci łaśjon dla źniaćcia makijažu. Inšy dobry varyjant — kaśmietyčny hidrafilny alej.
Paśla taho, jak vy naniesiacie srodak na skuru, pamasirujcie jaje na praciahu chviliny kruhavymi ruchami, heta dazvolić praduktu prastymulavać krovazvarot.
Pryčym lepiej nie vykarystoŭvać vatnyja dyski: masažujcie skuru palcami i biarycie dyski tolki dla taho, kab pryniać makijaž z zony vakoł vačej.
Paśla masažu ŭmyjciesia spačatku ciopłaj, a potym chałodnaj vadoj, heta dapamoža zakryć rasšyranyja pory.
I pierachodźcie da nastupnaha kroku — biarycie lubimy srodak dla ŭmyvańnia: pienku, hiel ci krem. Naniasicie jaho na tvar, pamasirujcie i zmyjcie chaładnavataj vadoj.
Aściarožna prasušycie skuru: prykładzicie ručnik da tvaru, ale ni ŭ jakim razie nie trycie jaho.
Paśla hetaha naniasicie na skuru svaju lubimuju kaśmietyku dla dohladu — naprykład, krem ci syrovatku.
Dvuchfaznaje ačyščeńnie tvaru sapraŭdy prynosić karyść, varta pasprabavać praceduru na ŭłasnaj skury.
Čytajcie taksama:
Jak režym u Paŭnočnaj Karei dyktuje standarty pryhažości
Ałoe, centeła azijackaja i prabijotyki. Jak ratavać skuru ad nastupstvaŭ stresu
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary