«Streł byŭ prosta ŭ hałavu». Novyja padrabiaznaści pra hibiel veterynara na miažy z Ukrainaj
9 traŭnia ŭ pamiežnaj zonie, kala vioski Vierchnija Žary Brahinskaha rajona, zahinuŭ vieterynarny lekar z Homiela Siarhiej Čambrovič. Pa papiaredniaj infarmacyi, jaho zabili strełam u hałavu, daviedałasia novyja padrabiaznaści hetaj spravy «Radyjo Svaboda».
U 45-hadovaha lekara zastalisia žonka i dvoje synoŭ. Usie, chto viedaŭ jaho ŭ žyćci i pa pracy, kažuć pra jaho vyklučna stanoŭča. «Dobry, čullivy, ścipły, nikomu nie admaŭlaŭ u dapamozie», — kažuć žychary Homiela.
10 traŭnia lekara, amatara rybałki pachavali ŭ vioscy Ramanavičy Homielskaha rajona. Aficyjnyja biełaruskija orhany, milicyja, Śledčy i Pamiežny kamitet, dahetul nie vykazali svaich viersij jaho hibieli.
«Dakładna nichto ničoha pakul nie viedaje. Pajechaŭ ź siabram na rybałku ŭ Brahinski rajon. Nie ŭ pieršy raz, bo jon byŭ amataram rybałki. Jany byli nie na čaŭnach — łavili rybu ź bieraha. Na ich tam «napali» — kala dziaviataj ranicy 9 traŭnia. Chto napaŭ, jak — nieviadoma. Siarhieju strelili ŭ hałavu. Siabar uciok, schavaŭsia ŭ lesie i vyklikaŭ ci pamiežnikaŭ, ci milicyju. Žonka navat nie była na apaznańni, bo tam paškodžanaja hałava — streł byŭ prosta ŭ hałavu. Chto stralaŭ, adkul, čamu — nieviadoma», — raskazała hamialčanka, znajomaja siamji.
«Heta było 9 traŭnia. A da hetaha, 8 traŭnia, u Nižnich Žarach, nižej pa Dniapry, byli čutnyja streły. Na nastupny dzień pačali kazać, što rybaka zabili ŭzbrojenyja ŭkraincy», — raskazała žycharka Brahinskaha rajona.
Ad Vierchnich Žaraŭ da Ukrainy — prykładna paŭtara kiłamietra. Miaža idzie pa Dniapry. Ź biełaruskaha boku Łojeŭski i Brahinski rajony ŭviali zabaronu na znachodžańnie na race na čaŭnach. Z ukrainskaha boku ŭviedzienaja zabarona na znachodžańnie hramadzian i zamiežnikaŭ na pamiežnaj terytoryi — na kiłamietr dniom i 20 kiłamietraŭ nočču. Heta nie tyčycca miascovych žycharoŭ.
Aproč taho, u šerahu rajonaŭ Homielskaj vobłaści (u tym liku Brahinskim) zabaroniena naviedvać lasy.
U Dziaržaŭnaj pamiežnaj słužbie Ukrainy «Svabodzie» paviedamili, što nie majuć nijakaj infarmacyi pra hety incydent.
«Ničoha nie mahu skazać pra hetuju situacyju, našy padraździaleńni ničoha padobnaha nie čuli», — skazaŭ supracoŭnik pamiežnaj słužby Andrej Dziemčanka.
Načalnica pres-słužby 105-ha pamiežnaha atrada Dziaržaŭnaj pamiežnaj słužby (Čarnihaŭ) Halina Šachaŭcova paviedamiła «Svabodzie», što ŭkrainskija pamiežniki ŭ hetym incydencie nie ŭdzielničali.
«Tam nie było zafiksavana sprobaŭ parušeńnia dziaržaŭnaj miažy Ukrainy. Strełaŭ nichto nie čuŭ. Pra śmierć rybaka my viedajem tolki ź ŚMI», — skazała načalnica pres-słužby.
Čytajcie taksama:
«Stralali z ukrainskaha boku». Što kažuć u pamiežnaj vioscy, dzie zabili biełaruskaha rybaka
«Ničoha nie viedaju, idzie śledstva». Na miažy z Ukrainaj zastrelili biełaruskaha rybaka
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami22
Kamientary