Siemdziesiat hod tamu na Hrodna ŭpali pieršyja niamieckija bomby.
Siemdziesiat hod tamu na Hrodna ŭpali pieršyja niamieckija bomby.
70 hod tamu, a 4.45 ranku, z napadu na polskuju vajskovuju bazu Viesterplate pad Hdańskam pačałasia Druhaja suśvietnaja vajna. Adrazu paśla napadu na polski harnizon Viesterplate Hiermanija pačała nastup pa ŭsioj linii polska-niamieckaj miažy. Sajuźnikam Hiermanii vystupiła spačatku Słavaččyna, a potym i SSSR.
Pačalisia bambardavańni polskich haradoŭ, u tym liku i zachodniebiełaruskich. Niehledziačy na hieraičnaje supraciŭleńnie, polskaja armija była chutka demaralizavana i pierastała isnavać. Užo pry kancy vieraśnia 1939 hoda Hiermanija i SSSR ustalavali supolnuju miažu.
Data 1 vieraśnia 1939 hodu pryznanaja za pačatak vajny va ŭsim śviecie. I tolki na terytoryi byłoha SSSR pryniata trymać dystancyju. Maŭlaŭ, my majem svaju vajnu — Vialikuju Ajčynnuju. Dla biełarusaŭ heta zusim nie tak. Našy suajčyńniki ŭdzielničali ŭ abaronie Polščy, našyja harady bambiła niamieckaja aviacyja.
Dla zachodnich biełarusaŭ Druhaja suśvietnaja pryniesła źmienu polskaj akupacyi na savieckuju, niamieckuju, paśla znoŭ savieckuju.
Druhaja suśvietnaja stała adnoj z samych razburalnych u historyi Biełarusi. Pa kolkaści pryniesienych achviaraŭ ź joj paraŭnoŭvajecca tolki vajna z Rasijaj i Šviecyjaj siaredziny XVII stahodździa. Vajna pryniesła hora ŭ kožnuju biełaruskuju siamju. Nacysty mierkavali častkova vyniščyć hoładam, a častkova — vycieśnić u Sibir słavianskaje nasielnictva, kab vyzvalić «žyćciovuju prastoru» dla hiermancaŭ. Asabliva paciarpieli biełaruskija habrei i cyhany, jakich nacysty pastanavili vyniščyć całkam. Heta było złačynnaje šalenstva, roŭnaha jakomu historyja XX stahodździa nie viedała.
Traŭma vajny prymusiła jeŭrapiejcaŭ zbudavać novuju sistemu adnosinaŭ — Jeŭrapiejski Sajuz. Dziakujučy jamu, jeŭrapiejcy pražyli voś užo 65 hadoŭ mirna.
-
«Toje, što jany robiać, heta i adpaviadaje intaresam». Paźniak pachvaliŭ Łukašenku ŭ situacyi z ultymatumam Zialenskaha
-
Illa Andrejeŭ: Starajusia bačyć mahčymaści, jakija dała nam vymušanaja emihracyja
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary