Biełarusy stajać pa 20 hadzin u čarzie, kab vyjechać na aŭto ŭ Polšču
Kali na miažy ŭ bok Litvy nazirajucca prablemy z vyjezdam u bok JeC, to ŭ polskim kirunku situacyja z čakańniem nie lepšaja. Pra heta paviedamlajuć kiroŭcy, jakija praciahvajuć stajać u čerhach na prapusknym punkcie «Varšaŭski most». Pa ich słovach, čas čakańnia ŭžo nabližajecca da cełych sutak. A paskareńnia pracesu jak nie było, tak i niama, paviedamlaje Onliner.by.
«Pa płatnaj čarzie ŭčora byli da 20:21, zapusk byŭ u 00:00, — pišuć z čarhi. — Vielmi šmat mašyn navat na płatnym kirunku stajała».
Voś jašče adno padobnaje paviedamleńnie: «U 05:30 pa «płatcy» i tolki kala ŭjezdu da šłahbaŭma. U palakaŭ tolki dva kanały pracujuć».
Žurnalisty patelefanavali Paŭłu — adnamu tych, chto zachras u čarzie.
«Pryjechali na «Varšaŭku» učora niedzie kala 14:40, — raspavioŭ mužčyna. — Śpiecyjalna prybyli krychu zahadzia, tamu što ŭ Polščy byli vialikija vychadnyja. Elektronnaja čarha ŭsia była raskuplenaja. Stajali až da 01:30 nočy, tolki kab zajechać na rehistracyju. Płatnaja čarha stajała z učorašnich 16 da 10 ranicy siońnia. Ludzi chadzili da pamiežnikaŭ, pytalisia, u čym sprava. Śćviardžali, što złamałasia sistema z našaha boku. Potym nibyta zapracavała, ale ŭsio roŭna jechała 2-3 mašyny za hadzinu».
Čarha na rehistracyju. Źleva — biaspłatniki, sprava — płatniki.
«Nu a paśla rehistracyi, jakuju my prajšli ŭ 01:30 nočy, prajechała 15-20 mašyn, — dapoŭniŭ surazmoŭca. — Heta značyć, za hadzinu zapuskajuć 5-6 aŭtamabilaŭ. U płatnaj čarzie padobnaja situacyja. Usie zabita bitkom. U čatach pišuć roznyja viersii: to palaki vinavatyja, to biełarusy. Ale fakt u tym, što pierasiačeńnie miažy moža zaniać cełyja sutki».
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary