Kavaleŭski pra zakliki nie vydavać biełarusam vizy: Nie treba pakidać biełaruski narod sam-nasam z ahresiŭnaj Rasijaj
Pradstaŭnik niadaŭna stvoranaha Abjadnanaha pierachodnaha kabinieta pa mižnarodnych adnosinach Valer Kavaleŭski vykazaŭsia adnosna zakliku Siejma Łatvii z da krainaŭ Jeŭrasajuza spynić dziejańnie turystyčnych vizaŭ i abmiežavać vydaču vizaŭ na ŭjezd hramadzianam Biełarusi.
Na dumku Kavaleŭskaha, hety zaklik «pieranosić ciažar adkaznaści za złačynstva ahresii suprać Ukrainy z Alaksandra Łukašenki i jaho dyktatarskaha režyma na biełaruski narod, absalutnaja bolšaść jakoha vystupaje suprać hetaj vajny i źjaŭlajecca abjektam represij užo treci hod».
Adpaviedna jon zaklikaje krainy Jeŭrasajuza nie dapamahać režymu izalavać biełaruski narod ad jeŭrapiejskich kaštoŭnaściaŭ i nie pakidać jaho sam-nasam z ahresiŭnaj Rasijaj.
Pavodle pradstaŭnika kabinieta, «adpaviednym kantekstu rašeńniem vyhladała b pašyreńnie mahčymaściaŭ dla biełarusaŭ atrymlivać šenhienskija i nacyjanalnyja vizy krainaŭ ES dziela kantaktaŭ pamiž ludźmi, adukacyjnaha i kulturnaha abmienu. Abjadnany pierachodny kabiniet Biełarusi praciahnie pracavać nad tym, kab nie dapuścić abmiežavalnych zachadaŭ suprać biełarusaŭ u ES i ŭ inšych krainach i kab aptymizavać dziejnyja pracedury atrymańnia vizaŭ».
-
U Biełarusi stvarajuć Akademiju nacyjanalnaj adukacyi
-
«Adčuvańnie, što trymaješ u rukach žele». U Minsku ciapier možna schadzić u hości da źviarkoŭ, jakija vielmi lubiać ludziej
-
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary