Ministerstva abarony Vialikabrytanii ŭ zvodcy vajskovaj raźviedki, analizujučy nastupalnyja dziejańni Ukrainy ŭ Chiersonskaj vobłaści, jakija praciahvalisia ŭ vychodnyja, robić akcent na prablemie ź bieśpiłotnikami, jakija, mabyć, uźnikli ŭ Rasii, piša Bi-bi-si.
Spasyłajučysia na tviter-akaŭnt the Odessa Journal, aŭtary zvodki pišuć, što na vychodnych za sutki kontrnastupleńnia nibyta było zafiksavana ŭsiaho 27 vyletaŭ rasijskich bieśpiłotnych latalnych aparataŭ (BPŁA) nad zachodnim bieraham Dniapra — u paraŭnańni ź siarednim pakazčykam 50 u dzień na praciahu žniŭnia. 21 žniŭnia ŭkrainskija siły paviedamili ab źniščeńni troch rasijskich taktyčnych BPŁA «Arłan-10» — za adzin dzień.
BPŁA mohuć być uraźlivyja jak da kinetyčnaha ŭździejańnia (kali ich niepasredna źbivajuć), tak i da elektronnych pieraškod.
U apošnija hady rasijskaja vajennaja daktryna advodzić usio bolš prykmietnuju rolu BPŁA — u pryvatnaści, dla vyjaŭleńnia celaŭ dla naniasieńnia udaraŭ artyleryjaj. Uličvajučy bajavyja straty, całkam vierahodna, što Rasija z usich sił sprabuje padtrymlivać zapasy BPŁA, što paharšajecca niedachopam kampanientaŭ u vyniku mižnarodnych sankcyj.
Abmiežavanaja dastupnaść raźviedvalnych BPŁA, vierahodna, paharšaje taktyčnuju daśviedčanaść i ŭsio bolš abciažarvaje rasiejskija apieracyi, reziumujuć aŭtary spravazdačy.
-
«Čakajuć trahiedyi?» Kiroŭcy bjuć tryvohu praz stan mosta cieraz Słuč pamiž Mikaševičami i Žytkavičami
-
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
-
«Miod dla vušej». Biełaruskamoŭny lift u Minsku vyklikaŭ furor
Ciapier čytajuć
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami23
Kamientary