Polskija ŭłady pazbavili Biełaruskaje hramadska-kulturnaje tavarystva ŭ krainie dziarždatacyi
Biełaruskaje hramadska-kulturnaje tavarystva (BHKT) u Polščy pazbaŭlena na 3 hady datacyi Ministerstva ŭnutranych spraŭ i administracyi (MUSiA) hetaj krainy. Štohadovy pamier dziaržaŭnaj dapamohi składaŭ kala 500 tys. złotych (128 tys. jeŭra).
Biełaruskaje hramadska-kulturnaje tavarystva (BHKT) u Polščy pazbaŭlena na 3 hady datacyi Ministerstva ŭnutranych spraŭ i administracyi (MUSiA) hetaj krainy. Štohadovy pamier dziaržaŭnaj dapamohi składaŭ kala 500 tys. złotych (128 tys. jeŭra).
U Polščy MUSiA kuryruje pytańni dziejnaści i finansavańnia arhanizacyj nacyjanalnych mienšaściej.
Jak piša polskaja presa, BHKT pazbaŭlena datacyi nibyta za niametavaje raschodavańnie dziaržaŭnych hrošaj. Ministerstva paviedamiła, što biełaruskaja arhanizacyja zraschodavała kala 6 tys. złotych (1,5 tys. jeŭra) na ramont ofisa ŭ Biełastoku sa srodkaŭ, pryznačanych na adukacyju i kulturu.
Miž tym, staršynia Biełaruskaha hramadska-kulturnaha tavarystva Janka Syčeŭski ličyć, što rašeńnie Ministerstva ŭnutranych spraŭ i administracyi maje palityčny padtekst i nakiravana «na likvidacyju BHKT i źniščeńnie biełaruskaj kultury ŭ Polščy». Padobnuju dumku vykazvaje deputat siejma Polščy ad Biełastoččyny, člen Kamisii nacyjanalnych i etničnych mienšaściej nižniaj pałaty parłamienta Jaŭhienijuš Čykvin. Pavodle jaho słoŭ, rašeńnie ministerstva maje «nadzvyčaj žorstki charaktar i nie sadziejničaje raźvićciu nacyjanalnych kultur u krainie».
Polskija kamientatary ŭ svaju čarhu vykazvajuć mierkavańnie, što pazbaŭleńnie datacyi BHKT moža być palityčnaj pomstaj kirujučych pravych partyj Janku Syčeŭskamu, jaki mnohija hady byŭ deputatam siejma Polščy ad Sajuza levych demakratyčnych sił.
Biełaruskaje hramadska-kulturnaje tavarystva było stvorana ŭ 50-ja hady minułaha stahodździa ŭ Biełastoku. Heta najstarejšaja i samaja vialikaja arhanizacyja biełaruskaj nacyjanalnaj mienšaści ŭ Polščy.
Zhodna z apošnim pierapisam nasielnictva, praviedzienym u Polščy ŭ 2002 hodzie, na terytoryi krainy pražyvaje kala 50 tys. biełarusaŭ. Adnak dziejačy biełaruskaj nacyjanalnaj mienšaści nazyvajuć inšuju ličbu – 250-300 tys. čałaviek. Kampaktnym miescam pražyvańnia polskich biełarusaŭ źjaŭlajecca Biełastoččyna
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary