«Hazpram» pastaviŭ pad pytańnie tranzit hazu ŭ Jeŭropu praz Ukrainu
«Hazpram» paviedamiŭ, što ŭ jaho jość pretenzii da ŭkrainskaha apieratara tranzitu — kampanii «Naftahaz Ukrainy», i jany mohuć vyklikać sankcyi, jakija nie dazvolać jamu apłačvać tranzit, piša Bi-bi-si.
Usio heta tamu, jak piša karespandent Ruskaj słužby Bi-bi-si Alaksiej Kałmykaŭ, što «Naftahaz» jašče ŭ mai admoviŭsia prymać rasijski haz praz hazaraźmierkavalny punkt «Sachranaŭka»na akupavanaj rasiejskaj armijaj terytoryi Łuhanskaj vobłaści i prapanavaŭ «Hazpramu» pierakinuć usie tranzitnyja abjomy na padkantrolny ŭkraincam druhi punkt — «Sudža». Rasijcy admovilisia, ukraincy źviarnulisia ŭ arbitraž.
«Hazpram» u aŭtorak paviedamiŭ, što kali «Naftahaz» nie adkliča pazoŭ, Kreml uviadzie sankcyi. «Na praktycy heta budzie aznačać zabaronu dla «Hazprama» vykonvać pierad sankcyjnymi asobami abaviazacielstvy pa ździejśnienych ździełkach, uklučajučy ažyćciaŭleńnie finansavych apieracyj», — havorycca ŭ paviedamleńni rasijskaha manapalista.
U pierakładzie na čałaviečuju movu: «Hazpram» pierastaje apłačvać tranzit praz Ukrainu. Nie sam vyklučyć haz Jeŭropie, a pakinie ŭkraincam vybar: pampavać biaspłatna ci pierakryvać trubu. Kali ŭkrainski tranzit spynicca, hazavaja błakada Jeŭropy budzie amal poŭnaj.
Voś jak heta vyhladaje na karcie. «Paŭnočnyja patoki» vyklučanyja i pałamanyja, «Jamał-Jeŭropa» daŭno nie pampuje ničoha z Rasii, a paŭdniovaja halinka ŭkrainskaha maršrutu prastojvaje z-za vyšejapisanaj sprečki.
Z usiaho namalavanaha ŭ vypadku adklučeńnia tranzitu praz Sudžu prapampoŭka budzie mahčymaja tolki praz Turcyju na poŭdzień Jeŭropy.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary