Biełaruski Kalehijum — pieršaja ŭ niezaležnaj Biełarusi płatforma dadatkovaj adukacyi, zasnavanaja ŭ 1997 hodzie, zaprašaje na navučańnie ŭ 2022-2023 hodzie.
Navučańnie budzie adbyvacca pa indyvidualnaj prahramie. Heta značyć, što paśla pastupleńnia ŭ Kalehijum studenty mohuć vybrać: albo razam z usimi prajści dvuchhadovuju prahramu zaniatkaŭ, albo skłaści ŭłasny płan raboty, tvoračy z najaŭnych kursaŭ i majstar-kłasaŭ, raboty ŭ sieminarach i prajektach indyvidualnuju navučalnuju prahramu.
U asnovie navučańnia — rabota na daśledčych / tvorčych sieminarach (vykładčyki — Ihar Babkoŭ, Iryna Dubianieckaja, Hanna Sieviaryniec, Vincuk Viačorka, Pavał Barkoŭski), a taksama na lekcyjach i majstar-kłasach viadomych intelektuałaŭ, navukoŭcaŭ, žurnalistaŭ, tvorčych asobaŭ.
Navučańnie ŭ Kalehijumie zajmaje dva hady. U asobnych vypadkach indyvidualnaja prahrama moža być jak karaciejšaja, tak i daŭžejšaja.
Da ŭdziełu ŭ konkursie zaprašajucca studenty starejšych kursaŭ abo asoby z vyšejšaj adukacyjaj. Kali vy student(-ka) małodšych kursaŭ, u asobnych vypadkach moža być zroblena vyklučeńnie.
Dedłajn dla aplikacyj — da 14 kastryčnika (uklučna).
Pačatak zaniatkaŭ — 18 kastryčnika 2022 hoda.
Navučańnie biaspłatnaje i budzie prachodzić anłajn.
Bolš pra navučańnie ŭ Biełaruskim kalehijumie čytajcie na sajcie.
Padać zajaŭku na navučańnie možna tut.
-
Polskaja daślednica biełaruskaj identyčnaści maryć pra pomnik «kułaku» ŭ Minsku i čakaje, kali Biełaruś znoŭ adkryjecca śvietu
-
Biełarus, jaki adsiadzieŭ u Tambovie, zavis miž niebam i ziamloj — Rasija choča departavać, a Biełaruś pytajecca: chto heta?
-
Mama studentki-vydatnicy raskazała pra vydatki na vypuskny
Kamientary