Nie tolki Čyrvony kaścioł. Ułady zakryli škołu pry katalickim Chryścijanskim sacyjalnym centry ŭ Minsku
Pra zakryćcio adukacyjnaj arhanizacyi, jakaja farmatam padobnaja da hrupy padoŭžanaha dnia abo pryvatnaj škoły ci sadka, paviedamiŭ «Svabodzie» pres-sakratar Biełaruskaha katalickaha kaścioła ajciec Juryj Sańko.
Chryścijanski sacyjalny centr — relihijnaja arhanizacyja, jakaja padparadkoŭvajecca kiraŭniku Katalickaj carkvy ŭ Biełarusi. U im jość kaplica, žyłyja pakoi dla ksiandzoŭ, a taksama pryvatnaja katalickaja škoła. Ale siudy chadzili vučycca dzieci nie tolki z katalickich siemjaŭ. Škoła pracavała z 2018 hoda, jaje naviedvali dziasiatki dziaciej daškolnaha i školnaha ŭzrostu.
Jak raniej raspaviadali ŭ centry, tudy prymali i musulman, i ateistaŭ. Pieraciahvać u svaju kanfiesiju tam było zabaroniena.
Pra rašeńnie ŭładaŭ zakryć škołu Chryścijanskaha sacyjalnaha centra ŭ Minsku z 30 žniŭnia 2022 hoda paviedamiŭ «Svabodzie» pres-sakratar Kanfierencyi katalickich biskupaŭ Biełarusi ksiondz Juryj Sańko.
Viadoma, što 5 vieraśnia kala budynku chryścijanskaha centra, dzie pracuje jaho dyrektarka, siastra Časłava Navickaja i žyvie arcybiskup Kandrusievič, stajała milicyja, praviarała, ci niama tam zaniatkaŭ.
Krynicy «Svabody» paćvierdzili, što zakryli sacyjalnuju i adukacyjnuju častki, a nie sam centr, dzie znachodzicca kaplica i žyvuć śviatary.
Centr maje nazvu «Misija dobraha samaranina». Adukacyjnaja ŭstanova tut farmatam padobnaja da hrupy padoŭžanaha dnia abo pryvatnaj škoły ci sadka. Dzieci naviedvali mastackija, muzyčnyja, tancavalnyja, teatralnyja zaniatki. Dzieci školnaha ŭzrostu vyvučali matematyku, movy, historyju dy ŭsie navuki, jakija vykładajuć u zvyčajnaj škole. Kožnaje dzicia mieła svoj asabisty raskład.
Što asablivaha było ŭ centry:
- usio na biełaruskaj movie.
- Zaniatki pačynajucca z ahulnaj karotkaj malitvy. U kabinietach jość abrazy, kryžy. Zamiest «Dobry dzień!» vitajucca «Chvała Chrystu!» U budynku mieścicca kaplica, kudy chodziać na bohasłužeńni.
- Hrupy nievialikija.
- Centr pracuje na achviaravańni baćkoŭ i dabračyncaŭ, niama datacyj dziaržavy. U kožnym vypadku suma abmiarkoŭvajecca indyvidualna. Bolšaść hrošaj idzie na padatki i absłuhoŭvańnie budynka.
Asiarodak budavaŭsia za srodki niamieckaj dabračynnaj arhanizacyi Renovabis, šmatlikich achviaradaŭcaŭ i pamočnikaŭ.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary