Ministerstva abarony Rasii nazvała «teraktam» ataku na karabli Čarnamorskaha fłotu ŭ Sievastopali, jakaja adbyłasia ranicaj 29 kastryčnika.
U joj byli zadziejničanyja dzieviać bieśpiłotnych latalnych aparataŭ i siem aŭtanomnych marskich aparataŭ. Siem z 16 dronaŭ byli źbityja. U vyniku ataki «niaznačnaje paškodžańnie» atrymali marski tralščyk «Ivan Hałubiec» i braniasietkavaja zaharoda ŭ buchcie Paŭdniovaja, paviedamiła Minabarony RF.
Pavodle viersii viedamstva, padrychtoŭka ataki prachodziła pad kiraŭnictvam brytanskich śpiecyjalistaŭ, jakija znachodziacca ŭ horadzie Ačakavie Mikałajeŭskaj vobłaści. Jany ž nibyta datyčnyja da vybuchaŭ na hazapravodach sistemy «Paŭnočny patok».
Nibyta pradstaŭniki hetaha padraździaleńnia vajenna-marskich sił Vialikabrytanii prymali ŭdzieł u płanavańni, zabieśpiačeńni i realizacyi terarystyčnaha akta ŭ Bałtyjskim mory 26 vieraśnia pa padryvie hazapravodaŭ «Paŭnočny patok — 1» i «Paŭnočny patok — 2».
Pradstaŭniki Ukrainy i Vialikabrytanii pakul nie kamientavali zajavy Minabarony RF.
Kamientary