Міністэрства абароны Расіі назвала «тэрактам» атаку на караблі Чарнаморскага флоту ў Севастопалі, якая адбылася раніцай 29 кастрычніка.
У ёй былі задзейнічаныя дзевяць беспілотных лятальных апаратаў і сем аўтаномных марскіх апаратаў. Сем з 16 дронаў былі збітыя. У выніку атакі «нязначнае пашкоджанне» атрымалі марскі тральшчык «Іван Галубец» і бранясеткавая загарода ў бухце Паўднёвая, паведаміла Мінабароны РФ.
Паводле версіі ведамства, падрыхтоўка атакі праходзіла пад кіраўніцтвам брытанскіх спецыялістаў, якія знаходзяцца ў горадзе Ачакаве Мікалаеўскай вобласці. Яны ж нібыта датычныя да выбухаў на газаправодах сістэмы «Паўночны паток».
Нібыта прадстаўнікі гэтага падраздзялення ваенна-марскіх сіл Вялікабрытаніі прымалі ўдзел у планаванні, забеспячэнні і рэалізацыі тэрарыстычнага акта ў Балтыйскім моры 26 верасня па падрыве газаправодаў «Паўночны паток — 1» і «Паўночны паток — 2».
Прадстаўнікі Украіны і Вялікабрытаніі пакуль не каментавалі заявы Мінабароны РФ.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі16
Каментары