Daradca Ofisa prezidenta Ukrainy Alaksiej Arastovič u tradycyjnaj viačerniaj razmovie z Markam Fiejhinym znajšoŭ vobraznaje akreśleńnie tamu, što adbyvajecca ciapier na paŭdniovym froncie rasijska-ŭkrainskaj vajny.
«Jakija b ni byli arjerhardnyja bai, jakija b ni byli straty ŭ nas i ŭ ich, u Rasii zaraz pačniecca strašny nadłom, jon užo bačny ŭ mnohich pablikach. Čamu? A jakoha chrena mabilizoŭvacca i vajavać, kali adziny zachopleny z pačatku hetaj kampanii abłasny centr ukraincy ŭsio adno vyzvalili? Hetak ž kolki treba kryvi ciapier pralić, kab jaho znoŭ uziać, a kali navat i voźmuć, to dzie harantyja, što znoŭ nie adabjuć?
Jaki ŭ hetym sens? Kali my canoj strašnaj kryvi heta ŭziali, paśla strašnaj canoj i žorstkaściu ŭtrymlivali? I heta budzie stratehičny maralny pierałom u hetaj vajnie. Jana jašče moža doŭha praciahvacca, jany mohuć jašče doŭha ŭtrymlivać Krym, Danbas, Łuhansk, pakul my nazapasim siłaŭ i pojdziem napierad.
Ale stratehičny pierałom adbyŭsia. Jon adbyvajecca na našych vačach. Heta jak Stalinhradskaja bitva dla Uschodniaha frontu ŭ Druhoj suśvietnaj. Usio, paśla hetaha nichto ŭ Rasii bolš nie budzie vieryć u paśpiachovaść hetaj vajny», — zajaviŭ Arastovič.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary