Na starych jaŭrejskich mohiłkach Kryčava nadmahilnyja kamiani vykidajuć u jar, a pry ŭvachodzie da ich prymacavali pravasłaŭnyja kryžy, paviedamlaje «Mahiloŭ.Media».
Zhodna z rasijskim pierapisam 1897 hoda ŭ Kryčavie na Mahiloŭščynie žyło 2 566 jaŭrejaŭ, ci 38,6 % ad nasielnictva horada. Sučasnyja vulicy Savieckaja i Žukoŭskaha, dzie da 1941 hoda žyli vyklučna jaŭrei, miažujuć z Aŭražnym zavułkam, jaki viadzie na ŭzvyšša. Tut apošnija trysta hadoŭ jaŭrejskaje nasielnictva Kryčava chavała niabožčykaŭ, i mohiłki zachavalisia dahetul.
Ale siońnia kryčaŭskija jaŭrejskija mohiłki — u zusim niezadavalniajučym stanie. U 1990-ja hady tut znoŭ pačali chavać ludziej, i z kožnym hodam kolkaść chryścijanskich pachavańniaŭ raście, a voś jaŭrejskija nadmahilnyja kamiani pakrysie źnikajuć. Pryčym ciapier navat pry ŭvachodzie na mohiłki znachodziacca dva pravasłaŭnyja kryžy, prymacavanyja da draŭlanaj aharodžy.
Jak adznačajuć miascovyja žychary, jaŭrejskija nadmahilli vyvoziać za miežy mohiłak ci prosta skidajuć u jar. Takim čynam, źnikaje ŭnikalny płast miascovaj jaŭrejskaj kultury.
Sa źniščeńniem jaŭrejskich mohiłak miascovaja ŭłada ničoha nie robić, abyjakava da hetaha staviacca i miascovyja pradstaŭniki pravasłaŭnaj carkvy. A jaŭrejaŭ u Kryčavie pa abjektyŭnych pryčynach zastalisia adzinki, jakija nie ŭ siłach abaranić mohiłki prodkaŭ ad źniščeńnia.
Pry hetym na jaŭrejskich mohiłkach u Kryčavie zachavalisia nie tolki pachavańni XX stahodździa, ale i raniejšyja. Siarod inšych tut pachavanyja i blizkija svajaki Sidni Majera (1878—1934), viadomaha aŭstralijskaha biznesmiena i fiłantropa, jaki pachodziŭ z kryčaŭskich jaŭrejaŭ. Dy i sam Majer naradziŭsia ŭ Kryčavie i pražyŭ tut svaje pieršyja dvaccać hadoŭ, pakul u 1899 hodzie nie emihravaŭ u Mielburn.
Ciapier čytajuć
Zialenski: Retranślatary na miažy Biełarusi prypynili pracu61
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary