Za ŭdzieł u paślavybarčaj akcyi pratestu u Minsku žycharku Śvietłahorska asudzili da «chatniaj chimii»
U sudzie Partyzanskaha rajona Minska vyniesieny prysud žycharcy Śvietłahorska Natalli Zorynaj, abvinavačanaj u arhanizacyi i padrychtoŭcy dziejańniaŭ, jakija hruba parušyli hramadski paradak, albo aktyŭnym udziele ŭ ich (č. 1. art. 342). Spravu razhladaŭ sudździa Michaił Makarevič, piša «Viasna».
Natalla Zoryna, jakoj u kastryčniku spoŭniłasia 28 hod, da zatrymańnia pracavała ŭ Minsku viadučym śpiecyjalistam pa zakupkach u kamiercyjnaj firmie, žyła ŭ stalicy.
Pa materyjałach abvinavačańnia, Zoryna pryniała ŭdzieł u adnoj z akcyj pratestu ŭ 2020 hodzie ŭ Minsku, «razam ź inšymi mitynhoŭcami vychodziła na prajeznuju častku praśpiekta Niezaležnaści, publična vykrykvała łozunhi, ździajśniała hučnyja vopleski i razmachvańni rukami, naŭmysna ažyćciaviła błakavańnie ruchu transpartnym srodkam z dapamohaj pierakryćcia prajeznaj častki darohi šlacham sumiesnaha vychadu ź inšymi hramadzianami na pałosy ruchu. Jaje dziejańni paciahnuli parušeńnie pracy hramadskaha transpartu».
U sudzie vyśvietliłasia, što Natalla Zoryna nie ad samaha pačatku dałučyłasia da pratestoŭcaŭ, nie mieła z saboj pratesnaj simvoliki. Advakat nastojvaŭ na tym, što Natalla vypadkova trapiła na akcyju. Adnak, nasupierak dovadam abaroncy, Zoryna ŭ sudovym pasiadžeńni pryznała vinu pa ŭsim abjomie vystaŭlenaha joj abvinavačvańnia.
Sud pastanaviŭ pryznačyć joj pakarańnie ŭ vyhladzie abmiežavańnia voli biez nakiravańnia ŭ papraŭčuju ŭstanovu adkrytaha typu na termin try hady.
Jaje vypuścili z zała suda pad padpisku ab niavyjeździe.
-
Valfovič nazvaŭ vybuch drona kala aŭtobusa vypadkovym, ale pozna. Prapahanda paśpieła znajści vinavatych i ablić uvieś śviet dziarmom
-
«Ja była ŭ šoku ad radaści i ščaścia». Biełaruska 15 hadoŭ šukała italjanskuju siamju, u jakoj žyła dziciom paśla Čarnobyla
-
U Biełaviežskaj puščy buduć rabić kancertnuju placoŭku
Ciapier čytajuć
Staršynia Rady biaśpieki zaklikaŭ biełarusaŭ ustrymacca ad pajezdak u Rasiju7
Kamientary