U Homieli na Kalady nie budzie nivodnaha biełaruskamoŭnaha śviata dla dziaciej
U Homieli nie płanujecca praviadzieńnia śviatočnych ahulnaharadskich dziciačych mierapryjemstvaŭ pa-biełarusku. Usie haradskija afišy — na ruskaj movie. Navat Homielski abłasny dramatyčny teatr, jaki padrychtavaŭ śpiektakl sa šmatabiacalnaj nazvaj «Kolada, Kolada, otvoriaj vorota» — taksama pa-rusku, piša «Štodzień». Arhanizatary abiacajuć na śpiektakli šmat kaladnych piesień. Adnak, vidać, usie kaladki taksama buduć pa-rusku. I heta pry tym, što na Homielščynie dahetul fiksujucca Kalady z vielmi cikavym abradavym napaŭnieńniem. Adnak Homielski abłasny dramatyčny teatr usio roŭna hladzić u bok rasijskich tradycyj.
Homielski dziaržaŭny lalečny teatr, bajučysia, vidać, što ich nie zrazumiejuć pa-biełarusku, taksama rychtuje mierapryjemstva pa-rusku. Padčas śpiektakla «Płoŝad́ kartonnych časov» abiacajucca savieckija Dzied Maroz i Śniahurka. I heta pry tym, što kaliści teatr lalek ładziŭ vydatny kaladny śpiektal pa-biełarusku. U hramadska-kulturnym centry źbirajucca pakazać dzieciam «Vovka-morkovka i vołšiebnyje časy».
I znoŭ pa-rusku, z ruskim puškinskim hierojem carom Dadonam i z savieckimi Dziedam Marozam, Śniahurkaj. Taksama ŭ hramadska-kulturnym centry pa Łanhie prapanoŭvajecca teatralizavany pakaz z rostavymi lalkami «Bolšaja novohodniaja jełka». Zrazumieła, pa-rusku.
Tut, praŭda, arhanizatary abiacajuć čaroŭnyja padziei ŭ LEHA-sici. Spadziajomsia, arhanizatary damovilisia z kampanijaj «LEHA» na vykarystańnie paznavalnaj nazvy «LEHA-sici», na svaim ułasnym prykładzie pakazaŭšy dzieciam, što varta pavažać aŭtarskija pravy.
U Homielskim ladovym pałacy sportu źbirajucca pakazać ladovyja šou «Briemienskije muzykanty na ldu». I znoŭ pa-rusku. Pryčym u afišy vykarystoŭvajucca hieroi savieckaha multfilma «Bremienskija muzyki», choć pieršapačatkova heta kazka niamieckich linhvistaŭ bratoŭ Hrym. I adpraŭlajucca hieroi zusim nie ŭ saviecki jaki-niebudź horad, a ŭ niamiecki Bremien.
Razhrom hramadskaha siektara, pradstaŭniki jakoha ładzili chacia b kamiernyja kaladnyja mierapryjemstvy, pakinuŭ homielskich dziaciej uvohule bieź biełaruskamoŭnych pakazaŭ i śpiektaklaŭ. A represii ŭ dačynieńni da biełaruskich vydaviectvaŭ pazbavili maleńkich biełarusaŭ jašče i jakasnaj i cikavaj śviatočnaj litaratury.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary