Sud źmianiŭ termin pakarańnia, vyniesieny žycharu Babrujska. Pratest padała prakuratura
U kancy listapada sudovaja kalehija pa kryminalnych spravach Mahiloŭskaha abłasnoha suda zadavoliła pratest prakurora Babrujskaha rajona ab źmienie prysudu Siarhieju Lalinu, jaki 11 lipienia byŭ pryznanany vinavatym u abrazie Łukašenki (č. 1. art. 388 Kryminalnaha kodeksa) i abrazie pradstaŭnika ŭłady (art. 369 Kryminalnaha kodeksa), paviedamlaje «Viasna».
Sudździa Volha Sierakova vyniesła prysud ŭ vyhladzie pazbaŭleńnia voli na adzin hod z adbyvańniem u papraŭčaj kałonii va ŭmovach ahulnaha režymu.
Siarhieju Lalinu spoŭniŭsia 51 hod, jon vajskovy piensijanier u zvańni padpałkoŭnika. Viadoma, što jon udzielničaŭ u pratestach — jaho zatrymlivali na niadzielnym maršy 8 listapada 2020 hoda. Byŭ pazbaŭleny vajskovaha zvańnia Alaksandram Łukašenkam.
Nie pahadziŭšysia z pamieram pryznačanaha babrujskim sudom pakarańnia z pryčyny jaho miakkaści, prakuror Babrujskaha rajona padaŭ apielacyjny pratest.
Apielacyjnym vyznačeńniem sudovaj kalehii pa kryminalnych spravach Mahiloŭskaha abłasnoha suda pratest zadavoleny ŭ poŭnym abjomie — termin kančatkovaha pakarańnia ŭ vyhladzie pazbaŭleńnia voli pa sukupnaści złačynstvaŭ pavialičany da dvuch hadoŭ.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Ciapier čytajuć
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary