Škodnaja prahrama TgRAT moža rabić zdymki ekrana, spampoŭvać fajły na atakavany vuzieł, zahružać danyja z vuzła na kiraŭničy siervier.
Vyjaŭlenaja škodnaja prahrama TgRAT, jakaja vykarystoŭvaje infrastrukturu telehrama ŭ jakaści kanałaŭ kiravańnia i moža rabić zdymki ekrana, spampoŭvać fajły na atakavany vuzieł, zahružać danyja z vuzła na kiraŭničy siervier. Pra heta RBK paviedamili ŭ pres-słužbie kampanii ŭ śfiery kibierbiaśpieki Positive Technologies.
«Daśledavańnie zychodnaha koda pakazała, što prahrama TgRAT stvorana metanakiravana pad kankretnyja PK, na jakich złamyśniki płanujuć kradziež kanfidencyjnaj infarmacyi. U samym pačatku svajoj pracy RAT praviaraje imia vuzła, na jakim jon zapuščany. Kali imia nie supadaje sa značeńniem, ušytym u cieła prahramy, škodnaje PZ zaviaršaje svaju pracu», — havorycca ŭ paviedamleńni.
Kab vyjavić virus-špijon, śpiecyjalisty rekamiendujuć vykarystoŭvać prahramy dla analizu trafika, źviartajučy ŭvahu na vychodny trafik z unutranych karparatyŭnych siervieraŭ na sierviery telehrama. Akramia taho, nazirańnie za trafikam unutry sietki dazvolić vyjaŭlać sietkavyja tuneli i niestandartnyja znosiny pamiž siervierami i abaranić vuzły z dapamohaj antyvirusa.
Adnym z asnoŭnych sposabaŭ atrymańnia dostupu da kanfidencyjnych danych zastajecca fišynh. Kab nie stać achviaraj machlarstva, karystalnikam rekamiendujecca nie adkryvać padazronyja listy, nie pierachodzić pa nieviadomych spasyłkach, a taksama nie zahružać PZ ź niepravieranych sajtaŭ i torent-placovak.
Kamientary