Čyrvony Kryž atrymaŭ dostup da ŭkrainskich vajennapałonnych na rasijskim baku
Kamisija Mižnarodnaha kamiteta Čyrvonaha Kryža (MKČK) naviedała ŭkrainskich i rasijskich vajennapałonnych. Vizit, jak paviedamlajecca, adbyŭsia na minułym tydni, ale zajava ab im była raspaŭsiudžana tolki siońnia.
Raniej prarasijskaja administracyja na akupavanych terytoryjach na ŭschodzie Ukrainy pieraškadžała dostupu mižnarodnych naziralnikaŭ u miescy ŭtrymańnia ŭkrainskich vajennapałonnych — u zajavie MKČK padobnyja vizity acharaktaryzavany jak sparadyčnyja.
Pakul niezrazumieła, što prymusiła rasijski bok pačać supracoŭničać.
Ukraina nikoli nie pieraškadžała rabocie mižnarodnych humanitarnych arhanizacyj.
Paviedamlajecca, što pradstaŭniki MKČK dastavili pałonnym z abodvuch bakoŭ humanitarnuju dapamohu — srodki asabistaj hihijeny, koŭdry, ciopłuju vopratku i knihi.
Taksama paśla naviedvańnia ŭdzielniki misii źviazalisia z rodnymi kožnaha vajennaha i apisali abstanoŭku.
Meta kamiteta Čyrvonaha Kryža — pravieryć umovy ŭtrymańnia i lačeńnia vajennapałonnych, havorycca ŭ zajavie.
Kamientaroŭ MKČK ab stanoviščy spraŭ i stanie vajennapałonnych pakul niama. U chodzie raniejšych vizitaŭ da rasijskich vajennapałonnych na ŭkrainskim baku kamitet fiksavaŭ niekatoryja parušeńni.
Da kanca hetaha tydnia płanujecca jašče adno naviedvańnie ŭkrainskich pałonnych.
Prava Mižnarodnaha kamiteta Čyrvonaha Kryža jak niezaležnaj humanitarnaj arhanizacyi na rehularnyja naviedvańni miescaŭ utrymańnia vajennapałonnych, a taksama na razmovy ź imi ŭ adsutnaści nahladčykaŭ, abaroniena treciaj Ženieŭskaj kanviencyjaj, padpisanaj i Rasijaj, i Ukrainaj.
Adnak padčas hetaj vajny mižnarodnyja naziralniki rehularna atrymlivali admovy ŭ dostupie da vajennapałonnych, i prezident Ukrainy Uładzimir Zialenski ŭ minułym paprakaŭ MKČK u biaździejnaści.
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary