Rasijski ŭrad ratyfikavaŭ dahavor Biełarusi i Rasii pa ŭskosnych padatkach
Rasijski ŭrad 8 śniežnia ratyfikavaŭ damovu ab ahulnych pryncypach padatkaabkładańnia pa ŭskosnych padatkach. Paśla hetaha jaje ŭniasuć na razhlad u Dziarždumu RF.
«Realizacyja dakumienta dazvolić unifikavać padatkovaje zakanadaŭstva dźviuch krain i pryviadzie da supracoŭnictva bakoŭ u śfiery padatkovaha administravańnia», — havorycca ŭ paviedamleńni rasijskaha ŭrada.
Dakumient pavinien ratyfikavać i biełaruski parłamient.
«Harmanizacyja padatkovaha zakanadaŭstva» dźviuch krain, zhodna z padpisanymi darožnymi kartami pamiž Rasijaj i Biełaruśsiu, pavinna zaviaršycca da 1 studzienia 2023 hoda.
Jak zajaviŭ rasijski premjer Michaił Mišuścin na sustrečy z premjer-ministram Biełarusi Ramanam Hałoŭčankam 3 kastryčnika, dakumient zakładvaje asnovu dla farmiravańnia nadnacyjanalnaha padatkovaha kamiteta Sajuznaj dziaržavy.
Kamientary